I'm all about the money and the money all about me, the money all about me. A we say money fi make. A we say money fi spend pon necessities. Some people a spend money a buy brand-name bag and clothes and a beer rat and roach inna dem house. Big up the real Latty Goodaz fans dem. Mix up time again.

Khago yu life mix up sah

Khago, what a way your life inna bangarang. Bout 200 years we nuh hear from you and as you drop a likkle song, you woman lef you.

The song True Feelings a gwaan wid a likkle vibes, but Khago you need fi go down a mineral bath, spin you roll, shout out Jah name three times, wash off you locks six times, read a Psalms and wash off the crosses offa you.

Kranium good likkle PR, but yu need a new song

So Kranium confirm wha the world did done know already - say him nuh deh wid Tiana or Gaza Slim. Kranium, we know.

We don't care. Go find back a hit song. Me kinda like you Rumours EP, it have a likkle vibe. But after you drop Nuh Baddi Haffi Know, me did think you woulda follow up wid more hits.

All the same, da likkle love triangle ya was very good PR fi you because me really never memba bout you till this, worse Tiana.

Chris Martin, a who yu a try hurt?

Chris 'Big Deal' Martin, a see you post a picture on Instagram in you bed wrapped up with a young lady. Is who you trying to hurt?

Is you babymother you trying to hurt?

From she say Popcaan hot, is like you head start hurt you. It look like you need fi stop say you a big deal and start say you is a bucket deal because a bere tings you a gwaan wid.

Rasta couple bruk up

Me hear say a certain rasta couple are no more. Me hear say wifey move out and gone. Me a wait fi get more info fi drop it pon unuh next week.

Dancehall artiste get married

Me hear say a certain dancehall artiste buss a married wha day ya. Me shock bout dis, but next week me tell unuh the rest.

Question time:

Alkaline coming back to Jamaica?

Who hack Devin Di Dakta page?

Sting still a keep?