With Latty Goodaz

In my going out and coming in, never leave I Jah Jah, keep me far from vampire. Me haffi start wid a prayer this week because me hear say we fren Nick Foto Works missing. Unuh say a prayer for the family and pray for his safe return. Amen.

Hungry belly people get you out Damion

Damion Crawford, you shell dung the club a England so the people shell yuh dung inna the likkle votings wah day ya. You is a trying yute. Me rate you to the max. A you say education over nyammings. Some a dem people ya only love them belly. Dem rather eat chicken back than send dem pickney a school. Start up you own party, 'cause me wudda vote fi you.

Foota, di aliens dem deh pan yu

Boy, Foota Hype, me really trying to find something positive to say, but it is very hard. You say aliens living among us and that your stroke may have been caused by demonic forces. It look like a you the alien dem tek set pon. Maybe a you dem come fah. Gwaan wid dem, Foota. We will miss you here on earth, but maybe it's your time to go with the aliens.

Don't mek dem draw yuh tongue

People, God works in mysterious ways. Dem say Mama P had to cancel her speaking engagements because she had laryngitis. Don't worry yuhself Mama P. Rest your throat. Don't stress yuhself. Don't mek dem draw yuh tongue. Cause we know yuh nuh fraida nuh bwoy and nuh girl. Maybe more politicians need fi get laryngitis because we tired a hear unuh.

Unnu leave Popcaan and him white wifey

Popcaan post a picture wid him new wifey and the whole a social media erupt. First of all, people a cuss because she is a white young lady.

Wah unuh a cuss bout? Look how much a unuh out ya a try find white man fi married to? Unuh too badmind. If is a white girl him love, a just she him love. Unuh caan fight the man fi dat. Gwaan through Popcaan.

Ask her if she has a brother can give me cause me a look green card by any means necessary. By the way, Where is Ce'Cile? Me think a she a did the right out woman. Me nuh really shock still.

Popcaan call bout 1,000 people name inna the Unruly Prayer song and den tun round and say weed a him best friend. Me did think a one a dem name deh wudda be him best friend.

Beenie, Shabba rumours

Beenie Man and Shabba Ranks still have dem likkle problems? Dem did a spread rumour seh the two big artiste did deh pon a show a Trinidad and how Shabba say Beenie cyaan perform.

Beenie brother Blue say nutten nuh go so. Him say there was an issue wid the band.

Unuh can make up all the noise weh unuh want, mi nuh think Shabba like Beenie and mi done chat. Beenie, it look like that speech weh yuh did mek bout the bus load a people a airport fi Shabba is going to haunt you forever.

Question Time:

A true say Markus and I-Octane stop deal?