A dis dem dis yu Pamputtae

Tax fi decrease? YUP! You want the prison? NOPE! A we say everybody fi have choices! Mama P, we need help! We want school, better health care and more accountability. We tired a the old politician dem! Free up the space. A young people time.

A dis dem dis yu Pamputtae

Hi Pamputtae, what a way you give it to Justus dem! Dem too bright! How dem fi lef off a superstar like you offa the promo material.

Me see all some people weh me never hear bout yet pon the flyer, so me nuh understand why dem lef off big, big superstar like you. After dem nuh more than you Pamputtae.

Nuh big kiss nuh dash out

Jamaican people frighten, but we nuh frighten fi everybody.

British Prime Minister a come and we not even build piece a road fi him, nuh road nuh lock off, NUTTEN. Is like Portia nuh business wid him cause me not even see her a dash big kiss.

What a gift! Prison!

A di first inna me life me see people say dem a give we a gift and is a prison. Mama P, you nuh see say a fool him tek we fah?

Why we must take the prisoners dem? Mek him keep them, a fi him them now. Who a go feed dem prisoner ya? Me tired fi pay tax fi feed prison bud.

Me out ya hungry and a dead, me caan afford fi feed British prisoners. A unuh carry black people come ya inna the first place, so carry dem back go dem yard a Africa.

Big up Mystic and Jody Kay

Big up Mystic, you well gold! Me proud a you.

Big up Jodi Kay weh win Rising Stars. Di show need fi revamp, but a one a the best season me see so far. Unuh need fi give Sanjay a proper prompter or Braille because the reading kinda sticky.