Taking taxis is a big part of the Jamaican experience, and boy, aren't they hotspots for drama? Taxi Tales chronicles the adventures of two young journalists travelling on public transportation.

Ren: What a ting eeh, Sher? Look how long Sabrina did a invite wi fi come to her house in St Ann and we delay. Now, the one time we decide fi go, one piece a drama fi reach up dere.

Sher: Ren, mi did tell yuh when mi a go di Friday evening seh mi nuh like travel a night because some drama always 'appen.

Ren: Well, so said, so done. It was a cool Friday evening, though, as we made the journey from Kingston to Sab's house. Everything went well on the first leg from Kingston to Spanish Town.

Sher: Yes, man. Di Massive pon di bus did all involve inna wi chatting - all di driver to. We reasoned about everything, including the tragic passing of popular entertainer Chu Chu.

Ren: Likkle afta dat, di bus a go roun' a corner in a dark area in Linstead and mi hear a man bawl out, "Whoi, driva! Tap di bus! Di window drop out!" To tell you the truth, me did really see di man fold up over di corner and a gwaan use the window as support, but it look like him neva sit down properly.

Sher: Di driva reverse the bus and go look pon di glass weh did inna pieces pon di roadside. Mi see a major transformation as di grumpy driva start fi trace di poor man. "Look how mi sorry fi yuh and carry yuh, even doah yuh nuh have no fare, and now yuh come push out mi bus winda! A eight grand mi pay fi it, enuh!"

Ren: The man start plead, "Sorry mi boss, but mi neva siddung good." But that still didn't soften Grumpy, and him tell di man fi come out and slam di bus door and drive lef him inna di dark.

Sher: Yuh waan si di man a run dung di bus inna di dark and a beg di driva fi nuh leave him inna di wilderness a Linstead. But Grumpy drive harder, and before yuh know it, we were out of the area. Likkle afta dat, Ren, she bawl out to Grumpy, "dat neva nice." Bwoy, it look like the Massive pon di bus did feel di same way cause everybody tek on Grumpy same speed.

Ren: "All a wi fi come out!" A girl behind me with a strong 'town' accent shouted out. The Massive echoed, "Yeah," in agreement. But Grumpy just start swing di bus like him mad and say him nuh care wat we want to say. Smaddy all wish fi di bus crash afta we come out. Me neva too agree with that part, still.

Sher: Then di rain start, and because di window lick out, those who siddung pon di seat behind the driva start fi get wet. Mi roll out mi nice English voice and seh, "Driver, please wind up your window because Ren has asthma and bronchitis inna one and should not get wet." Grumpy act like him never hear and still a drive like him deh a Dover. One a di man pon di bus haffi start talk loud, and that's when Grumpy barely wind up him window so di rain cudda stop fall pon wi.

Ren: One woman on the bus start say Grumpy shouldn't do that because passengers remember drivers and can hurt them. Di Massive agreed. Massive cuss Grumpy from Linstead all the way to Ochi town, and if him look pon wi, a now.

Sher: As we got off the bus in Ochi, my mind ran on the man who was left back in Linstead. Mi hope one kind-hearted Jamaican did give him a ride to Ochi.