Yow, STAR, mi waah tell you bout a big dutty lie wha me use pan a gyal fi get some a di 'good good' one time. Mi is a country man, enuh. A country me born an grow but me move come a town come live wid me uncle a good while now.

Some time inna last year, me go back a country fi visit me grandparents and some old friends because a long time me no see dem.

When me down a country, me buck up pan a nice likkle catty wha me did love off from way back inna di days. Lawd God, STAR, me a tell you say di gyal get 10 times hotter than when we did a pickney. Me say to miself me affi get a piece offa har, no matta wha.

At di time when me did see har, me did park up outside a shop and lean up pan me car and me four-year-old daughter was inside the car a sleep. As me see har walk outa the shop me move to har an start ask if she remember me. To my surprise, she did and we stand up a talk fi a good while.

Same as me ago get di catty number, me daughter jump outa di car and start call me daddy! Lawd jeezas, di girl start hesitate fi give me di number because she neva know say me have daughter.

Same time me just work me brain pan har an tell har say, "you know say a no my pickney, a me bredrine daughter. Mi tell har seh on him death bed him beg me take care a har so from deh time deh till now, a me a look after her and grow her like me daughter, that's why she call me daddy, but a no me real daughter."

Mi say, STAR, when me tell di catty dat, she weak inna har knees! Is like she fall fi me the same time! Me get 'it' the same night!

More while me think back pan it and laugh bout the whole situation, but sometime me shame a miself fi know say me deny me own daughter fi get likkle 'good good.'