Good gyal goodie! Goodaz Goodie! Some gyal hair want shampoo poo poo, flash dem hair you get flu flu flu. Big up Bella Blair, aka Poonchie. Latty Goodaz in the building. Bless up all who fi get bless up and all who nuh rate we can chuck off.

FYAH!!!! Fyah fi all big crusty, gray tone man weh a rape pickney. Unuh too nasty and disgusting. Look how much woman deh road a gi weh free? Look how much woman deh 'Back Road' a sell and unuh a rape pickney! FYAH!!

Pepper light MC Nuffy

Hello MC Nuffy, long time I don't see you in THE STAR. It look like you was really a pepper light MC. How you drop inna Chin and Gully Bop bedroom antics? You claim say Gully Bop two teeth have three colour, but you inna video a laugh wid him though. Why yuh nuh tell him fi go fix the two teeth? You claim say Chin say Bop third leg big, but it dead. How you know which pill fi recommend? You use the pill dem? Mumma Lashy Nuffy, leave the people dem business alone.

A road we want fi election!

Election time a come round, make sure unuh nuh mek the politician dem trick unuh wid food. Tell them unuh want good road, education fi unuh pickney and unuh want work.

Reggae Boyz bandwagon up like seven

Rise up, stand and take your place... Unuh memba when deh song ya buss fi Reggae Boyz inna 1998??? The whole Jamaica happy. Den all of a sudden, dem start get flop and tun Reggae Toyz. But from we beat USA and Nicaragua wha day ya, is like the bandwagon pack up again. Everybody a say Reggae Boyz, people a buy Captain's Bakery bread again and people start tek out dem Jamaica jersey from out a the barrel bottom!! Reggae Boyz deh pon top again.

Red Rat vs Mr Vegas ... pot a cuss kettle

Red Rat vs Mr Vegas ... nobody nuh really care bout dem two yah, but nutten else nah gwaan inna dancehall so we just a gwaan like we care. Vegas seh Red Rat a '90s artiste and how him a big man wid rat voice. Red Rat seh from Vegas tek him friend woman, him nuh inna him. Me like Mr Vegas enuh, but him fi memba say him have a likkle rat voice too so is like the pot a cuss kettle. As fi Red Rat, drop some tune nuh man. A long time we nuh hear nutten from you.

Omi tek di summa

Big up Omi, a you tek the summa. A you tek the world. Me see you inna all Taylor Swift private plane a fly go MTV awards. You ting up like seven!!!