Life nuh easy at all and it takes going to a funeral sometimes to open your eyes to the reality that we are here only for a time and loaned to our family and friends until we 'number' call.

So many people war, cuss, neglect children, family and friends, only focus on material gains and enjoying the world, and at the end of it all end up in a box. The moment breath leaves the individual dem not even have a name again because when yuh deh a di church all people a ask is if "the body no reach yet"!

Nobody naa call yuh by name again because really and truly, when yuh dead is the life you lived that will be remembered and used as your epitaph. Some people ago haffi tell lie and mek up story to the way dem life dutty, mucky and questionable! Some people ago put down big cow bawling because deep down dem know seh dem either never mek peace wid dem deceased or treat dem good while dem alive. Some people a watch who a bawl from who naa bawl, but, truth be told, sometime when yuh go a smaddy 'last hooray' nutten no really deh deh fi bawl bout.

box down

It no mek sense people live like puss and dawg when dem alive, and when di people dem dead is one big funeral splash dem put on. Mi know if di dead people dem coulda come back alive dem woulda box down some a who a chat because dem a wicked!

Of late, it seems like the dress code and conduct for funerals have really gone under the earth! From di bite out frock dem to di weed smoking inna church yard to di 'go-go' boot dem to di derogatory song dem weh a play! Mi a read inna Friday Star bout the lewd song weh dem play a one funeral a Trinidad, and is only a pity di deceased couldn't raise up and gi dem a "naa look lick"!

How "Dung Inna Yuh Throat" reach inna funeral?! And as to weh mi read, a di man dem a rail di most to di song so right a way unnu know fi dem motive and activity! There is a time and place fi every God Almighty ting under the sun, and is like some people nuh understand dat! Not even the edited version, but di raw version a blare out inna people ears and which part pickney deh, and then some people wonder why di pickney so sexually active, aware and inclined?

Of late, the amount a pickney weh a surface pon video a suck and bite all kind a tings mek nuff adult mouth look like a virgin! It is scary and appalling!! So if inna God house likkle reverence we cyaa have as a people, as a nation we are in a bad way! Mi see one gal, she have one split so high yuh coulda see her heartbeat! Is only a pity she couldn't ketch some fresh cold because certain type a dressing no belong inna church and pon church premises! All di DJ him, who a play di nasty song, fi him finga dem shoulda did freeze up and give him sinting fi think bout and maybe mek him haffi shub him finga dem "Dung Inna Him Throat"!

message gone

The message a pastor delivers at a funeral is, aside from the eulogy, the quintessential part of the proceedings. People, funeral is not the time fi throw word or badger and beat down people ... again time and place fi everything. Mi know sometimes the Lord move preachers to speak and dem haffi just yield to di calling, but sometimes the message gone way round a one part weh no really touch and inspire nobody or even mek yuh want look into yuhself.

The message is important especially if a smaddy that has impacted the lives of others greatly and if they led a 'wholesome' life. Preach something weh commemorate dem and how dem live and how their life can be used as a beacon of hope for others. If dem was a 'wretchinela', the pastor free fi preach as him or she sees fit while still touching the consciousness of the congregation because it is a road that we all must travel.

Family members need to start paying keen attention to the dress code and conduct of those attending the funeral of their loved ones. People no haffi wear frill frock and gloves but dress appropriately. Mi no know why some man hell bent on showing dem bad colour washout underpants and have dem pants under dem knee!

Fi some a dem funeral a di only day dem ago can get likkle dignity over dem body, let them not be robbed of it so that dem can at least "go down inna di hole" with a likkle decency!