Some artiste grudge di Bop

Gully Bop a run di place ya now. Me hear say some artiste vex because dem a try how long and nutten still nah gwaan fi dem.

Gully Bop is a mad lyricist, me haffi gi him ratings fi dat. Him all buss engagement right away. How some a unuh feel? Unuh man won't even hold unuh hand inna dance but two teet Gully Bop have fiancé.

Ryno when everything fails SELL WATER

Happy New Year Black Ryno. I hear you going to sell some water soon. I like the move. When all else fails, sell water because a whole heap a TERSTY people deh a road. I hope it work out for you. By the way, is the three million dolla whe you did win a Sting you use fi the water? Memba fi send me two case.

Foxy Brown'Broken Silence'

Ashanti come a Jamaica last week because you done know say a Christmus and all the real superstar dem did book out. She post pic wid Spragga Benz and all of a sudden, Foxy Brown jump out a the hole whe she did a hide and a diss Ashanti. Foxy Brown, we don't memba you boo, Spragga don't memba you boo. Unuh need to go mek some song because nutten nah gwaan fi you nor Ashanti.

Big up Kaci Fennell

Big up to Kaci Fennell. I hope you come back with the crown. No shade and ting, but me not even did know when the next girl lef the island go compete. The one whe mek dem TIEF the crown and a use it fi Puppy Tail contest dung a MoBay.