Hot ya now!!! Big up all a mi Tambourine Fambily linky-linky an all a mi Mixup massive. An bless up all a mi Ragashanti Live listeners pon Tambourine Radio ova www.tambourineradio.com

Mixup time:

Bredda Wife Tie Him?

Good afternoon. I've been listening to your programme for a long time and I love it. Raga, I have a brother in Trelawny closer to Wait-A-Bit and he has a girlfriend who tie him. Raga Di gal name M——- and she had a man in Barbican and shi rob up di man and run way. She pass five parish fi go country go deh wid mi brother. Di gal nuh bathe shi only powder her chest n back Raga, shi nuh stay gud n shi have half dozen pickney wah a nuh fi him n a him affi a mind dem. Fi him ownna pickney caan get nutten from him. Him neva know ground/bush n him affi a work a bush n mind dem. Shi tell people say shi tie him n say him business wey him have a fi her n him nuh own nutten in deh. Mi mada nuh stop turn in her grave. Di gyal tek all a him furniture bc she don't move go country with anything bc di man from Barbican wah kill her. Shi grieve mi bc rite now mi brother maaga an fava dog n she n her pickney dem fat. Tears cum a mi eye bc he no longer speak to his family bc he fails to hear when peopl talk to him bout her bc she tell di ole neighborhood shi tie him n him caan loose. Mi waan keep a Set Mi Free dance fi him.

Well, as you might be well aware, we managed to contact your brother and his wife and spoke with them extensively on Ragashanti Live. He gave us a very different understanding of his situation with his wife. Him say she is a hard-working woman who him rate. Him say him wife is a good woman and is not a situation where she tie him.

Him wife also explained that you and other relatives from your brother's side of family staat carry feelings fi yuh bredda an him wife afta they each bought a car. Yuh bredda say he called one of his sista abroad and asked for some help to get the car insured and that the sista essentially say cannot help right now on the basis that she nuh undastan how him an him wife both bought cars fi themselves but nuh have nuh money fi pay di insurance. Yuh bredda wife say dem happy an dat dem kock up dem foot a night time a buss big laugh an a live happy. Yuh bredda believe his wife a di bes ting happen to him.

So while you believe say a tie him wife tie him, as you say she say the fact remain that yuh bredda appear to be quite happy right now wid him wife. It therefore might be a good idea fi yuh jus lowe yuh bredda mek him gwaan continue him happiniss wid him wife.

But I must admit that mi still nuh know di full hundred a di mixup and therefore I'm not in a position to make any definitive statements pon di matta. Nonetheless, mi nuh feel like say yuh bredda wife tie him.

Naa Mek Huzzy Swipe

Raga, me swipe mi bunnaman an him swipe me almost three years now. Now mi husband want to swipe me but mi don't want him do it. Mi jus' nuh used to mi husband a do dat. An mi husband not even want me fi swipe him, he just want to do it to me.

A weh yuh a say to mi??!! Listen to mi nuh, yuh bunnaman done already a swipe yuh aready, soh it shouldn't mek much difference if yuh husband swipe yuh too. Yuh husband obviously want to be happy a swipe yuh soh mek him happy!! An is not like him a ask you fi dweet back to him soh a nuh like seh him a goh mek yuh wuk till yuh jaw cawna dem tyad. Hear mi man, buss yuh husban an mek him run een pon di ting. Di poor man mussi a liddung inna unu bed a night time well hungry an waan sitin fi eat. The hungry must be fed. FEED HIM!!!!

DWL!! Woooiiieeee!! Sometime mi cyaan bada enuh! LOL!

Awright, unu sen mi unu mixup dem at tambourineradio@gmail.com

Bless up unu self.

Do Road!