Mi no know why some people haffi bark and carry on like a wildebeest so fi every likkle ting! Dem no have no finesse, no likkle gentility bout how dem deal wid people, yet they want the world to bow at their feet and treat them with respect.

It look like some people tek a daily dose of rude and obnoxious and then have the nerve want fi expect good treatment! Inna my book, anno so it work! Treat people how you want to be treated, and the same way yuh treat mi a di same ting mi ago dish back give yuh! So if yuh cyaa tek it, don't give it!

negative energy

There is no human being on earth who is going to like everybody, but while it is impossible to be nice to everyone ... we dont have to be unkind. Some people jus' coarse like steel wool, and dem no understand seh the negative energy weh dem give off comes right back at them! Mi naa seh fi get up and a laugh like yuh is a eediat everyday, but endeavour to be pleasant and kind. We society too cross, angry and miserable. Yuh walk inna some store sometime and not even a 'good morning' or 'good evening' dem no greet yuh wid. Some a dem grumble 'mawning' from unda dem breath and then expect yuh fi accept dat! Mi dun know seh a 'mawning' already so it's the 'good morning' that makes the difference.

Everybody have dem problem, and everybody have dem sore foot. There is nobody without problem and stress or things that they would like to change about their life or circumstance. But it is unfair for people a tek out dem stress troubles on strangers or friends, especially when anno dem cause it! In all tings we haffi give thanks, and if a door close, we haffi gwaan give God thanks inna di passage because sometime a setback is just God's way of setting you up for a great comeback!

Some people attitude too sour! Dem miserable and unpleasant and always a complain. The problem is not whether or not we ago gripe bout certain tings, because human beings all are we and we ago complain, but the trick is not to wallow in it, build house inna it and reside there permanently! Nuff people a read dis right now and frustrated, and goodly a complain from morning, but have they even stopped to say 'Thank You God, I have my eyesight so mi can read Miss Kitty article, and hands fi hold the STAR? As simple as we tek certain tings, and tek dem fi granted, nuff no have no eyesight, and nuff no have no hands!

If everyday yuh get up and focus pon problem and cuss people and be unkind, a that's all ago full up yuh life! As a people, we must be grateful! Yuh have some nasty people love talk bout dem no want nobody do nutten fi dem because dem no want nobody tek nutten. Tell dem ... dem a wicked! Because dem know dem a Judas, that's why dem tan so! No man is an island ... no man stands alone, and if smaddy help yuh in yuh time of need, be thankful! Dem might cyaa give yuh a house, but dem start yuh wid the block, steel and cement. Yuh have people who will give yuh wid dem hand and kill yuh wid dem mouth fi true, but nuff time people dun people, is to how dem deal wid the situation.

Speak positivley over yuh life and over yuhself because there is power, life and death in the tongue. Don't always look at the glass half empty, but try as best you can to see it half full. Nuff a who a complain and miserable, a dem cause dem problem pon themself!

Sow seeds of positivity and prosperity and live up! Your attitude determines your altitude, and if yuh attitude alwyas dutty and nasty, a straight inna di gutter yuh ago end up! Respect begets respect. Nuh feel like yuh can treat people any an any way and get weh! Badness and rudeness no go no weh, and in many cases it is uncalled for. Mi naa seh a one fi mek nobody walk pon yuh and yuh nuh string dem up. But sometime all when yuh right yuh haffi hold yuh tongue! If the adults are unkind and rough towards each other, it is impossible for the children to be warm and respectful, because at the end of the day, children live what they learn.

Give thanks, live up and be positive, because anything weh yuh focus pon, yuh either become it or attract it inna yuh life!