Woooiiieee!! Big up all Mix-up linky-linky an all a mi Tambourine Fambily. An straight blessings to all a mi Ragashanti Live listeners ova tambourineradio.com. Big up unu self! Awright, time fi some bad-mind an jealousy mix-up.

Dutty Bad-Mind Cousin!

Raga, mi have one cousin deh weh nuh easy. One Saturday night, I went over her house to do my laundry. Suh me an har deh deh a chat an bay things. Suh, den har boyfriend at the time walk in. Suh wi siddung at the table a chat an run joke. Anyways, har man seh him waan guh a di strip club but mi seh mi nah guh cuz mi nuh waan be di third wheel. Suh har boyfriend seh him have a friend weh mi can chill wid when wi guh. Suh mi seh ok.

Long story short. Mi an di man start date. Come to find out him is a drug dealer. Spoil mi to death, buy bay things, take mi to dinner, we travel together.

Suh my cousin see how di man a treat mi and get jealous now caz fi har man naw treat har them ways deh. Mi left fi two weeks guh a Jamaica. When mi come back mi notice seh him nah act right. Mi and him never have sex yet. Anytime him ask mi fi sleep over mi tell him no, an dat mi like fi sleep inna mi own bed. Raga, come fi find out seh mi cousin a sleep round wid him! Remind yuh seh a mi cousin man best friend. And while shi a sleep round wid him, shi a use mi fi excuse. She tell har man bay lie how shi deh over mi house when a gone shi gone wid di man. Har man left har. Now she and di friend deh! Him breed har an them have a daughter together. Lol.

Now, Raga, after a while shi get tired a di man an start show him bad face and have next man pon him. Di man stalk har badly. All reach under har kitchen sink a hide just fi see who shi aguh bring inna di house, Lol. And in the end, Raga, a mi same one haffi turn round an help har get rid of the man.

Hear mi. Yuh need to be careful a da cousin deh. She a wicked! As Tony Matterhorn woulda say: a people like she cut Jesus slippas. At least doan mek she know yuh business. Anytime, anyting good a gwaan fi yuh doan mek she know, else dawg nyam yuh suppa. Di bad mind bacteria a nyam out har likkle teenie weenie brain. Avoid har!!

Dutty Pupa

Hi Raga, my parents are Jamaicans. I know what it's like to have bad mind in ur own family. I was raised by my grandparents. My father was always on drugs and my mother was never around, and now as an adult I'm doing ok. Especially my father hates that I'm doing ok. He's always criticising me and in the same breath begging me for money. If he doesn't get it I'm the worst person in the world. He has never contributed to society nor me. I'm married with children and I work. He never, ever called once to check on his grandchildren or nothing.

Yuh see dem parents deh weh neva do nuttin fi dem pickney, but wen dem pickney struggle an mek supm a dem self. Dem tink di pickney dem suppose to mind dem jus because dem name biological mother or father. Dem a crasses!! Him neva yet call fi check pon him grand pickney dem, but him know fi call fi ask yuh fi money! Mek him kiss out yuh butta pan!! Ole nastiniss!! Bun mi fi dem yuh see. Cho!

Anyways, a leggomentz ya now. Sen mi unu mix-up dem at tambourineradio@gmail.com. Bless up unu self. Do road!!