"Yuh no know wah inna ants belly til yuh crush him"! Mi no know who try crush Mr Warmington weh day mek him belch off a crocus bag a tings offa him chest but when mi read bout it, di belch sour bad!

The saying "cock mout kill cock" is a mild way of putting the inconsiderate and obnoxious statement from Everald Warmington on a platform the odda day, but then again to how it look like him back broad, him no response fi he, she nor di old lady only if yuh did vote fi him!

brash statement

Unnu know me is a woman weh no business inna dem bangarang but when an official elected by the people and supposed to be for the people a go jus dash dutty wata jus' so it raise mi eyebrow! We all know that di politics in Jamaica has come a far way and still have a 'fuurr' way to go as there is still way more room for improvement and growth. And not jus' in word speaking or projection but inna real life! We all know seh a nuff slip between the cup and the lip and there are certain aspects of di politics we just regrettably cyaa talk bout or wouldnt dare say it in public! Mi jus' waa fi know a which secret 'Warmy' have fi di people dem so how him can jus' mek dem deh brash statement deh in front him own leader and nobody neva stop him inna him tracks!

How yuh fi go pon stage an seh if you dont vote, you dont count? Is one thing fi have something inna yuh mind and a completely next ting fi mek it come out so! Truth be told me no think a him alone have dat mindset or practice but to confirm it and spew it out jus seem like contempt to me. Is like him sure a himself so til' him just 'talk Up di tings dem' and no care! Maybe mi need fi gi him a space fi write inna mi column sometimes but knowing him and fi him temperament him woulda empty mi like a wata bokkle!

Whether or not one votes for a political party all should benefit as citizens of the country. Truth be told even if one did not vote for a particular party or person dem still a pay dem tax and so should have a right to benefits and access to the representative no matter what party they are from. Next truth again, nuff a who benefit from the 'spoils' naa pay no tax but jus' because dem dip dem finga dem can have 'stew pork' all year long from di 'pork barrel politics'!

unfortunate comment

It is a very unfortunate comment and mi not even a pree Mr Warmington because a fi him mouth and him a express himself, but mi want fi see how di people dem will respond. So mi a wonda if base pon wah Warmington a seh, if a old lady come and need some assistance fi buy her eye drop or her pressure or sugar tablet, him naa go help her if when him go pon di computer she neva vote fi him?! Or if someone in his constituency want help wid dem child education if when him ask and dem neva vote him naa go even tun di black a him eye and look pon dem? Oh God, Mr Warmington dah utterance deh sound dark like midnight!

For leaders who posture that they want a change from dutty politics and divisive politics, pronouncement like dem deh jus 'mek some sugah and banana plantation want fi spring up back because a couldn't 2014 we inna! Dem seh a people of a country get the type of government they deserve because the state of the government and officials reflect the state of the people! But it look like Mr Warmington know whole heap bout whole heap cause him no fraid fi leggo him tongue! Mr Holness seh we can do and need fi do better and him not into the 'ray ray' politics, so mek we see how and if him ago deal wid dis yah 'raaaay'! yah!

We haffi look pon di bigga picture. I am fi speaking my mind and say how yuh truly feel, but even so it haffi do wid tact and in a manner of decency ... it cyaa jus 'warmify' so!