The following Mix up and Blenda with Ragashanti appeared previously. We regret the inconvenience caused.

Blessings to all Tambareen Fambily linky-linky an Mixup massive. A propa respect to all a unu ova mixupyaad.com Shellings!!!!

Mix-up time:

Cayliss Matey

Raga, mi just waan big up d bunna gal who cum a mi yaad and tief mi panty. Di adda day, mi so called man carry one gal come a di yaad fi sort out, and im go mek de mistake and go weh leave di gal at the house fi go out in the town to do some tings, and di gal tief like puss. Knowing the type of person I am, very investigative and observant of my surroundings, him think seh im cudda do it and get weh so easy. Him cah hide nuttin from mi too long. Di day wen im carry di girl ah di yaad, im call mi a school and ask mi fi di password fa di computer. Rite there, I pick up seh a somebody at the house. So mi ask him a who want to use computer, an him seh ah him want to go on it go find out wats the latest in Sierra. Raga, that man don't go on the computer. Anything him want to research or email, a mi do it for him. He has a small-loan business. I do all the calls, interviews, and data entry for him.

Wen mi go home, mi si di house look different, and mi ask him again who come here wen mi at school? Him tell lie, but after a few hours of interrogation, he finally crack and start crying and confess that he carry someone at the house and that nothing happened. He even stripped and asked me to examine his male part for any signs of bruising. Him even take out the pack of condom and show me.

I was so upset I went home to my family in Montego Bay for the weekend. While there, him call mi and tell mi how im clean the place for me. I felt a little better knowing how im lazy cuz a mi always wash, cook, and clean. It made me kinda reconsider being mad at him.

Wen I get back and saw the house, I find it really hard to believe seh a him clean it how the place look nice. So I start to investigate again, only to find that no toothpaste and no soap nuh in the bathroom. Wen mi go in the room, I notice my lotion, a jar a bees wax, an pack of sanitary napkin gone. Then the ediot man weh mi have nuh left di gal alone in di house; and him did have some money put down in im draw! Di gal tek out $1,000 out a it. Wen I done interrogate im again, im start bawl again and said that im did mek de same gal come use the computer to do some Bible research. Raga, from mi come back from MoBay three weeks now I've been searching every nook and cranny in de house and all now I can't find my panty. It left mi to wonder if di gal tek it too. But wat reason under this sun she have fi tek weh my dirty panty? And she eat out mi snacks dem, eat some stale bread weh did in the fridge for about a month and di man turn roun and buy har some food items to take home.

As for me and that man, we on break. The part that hurt me the most was that am almost six months pregnant and engaged to get married in April, and I had to call all my friends and family to tell dem wedding postponed as there's no way I am gonna marry man who lies to me and diss mi in such a way. Dis a weh mi call bun widout respect.

Bun widout respek fi true. If yuh six months pregnant an unu a goh get married, den him shouldn't a bun yuh. But if him a goh bun yuh, him shouldn't bring da hog pickney deh pon unu ends. Him shoulda carry har goh back road, or ova Hellshire beach, or even inna cane piece or bush. Cause da gyal deh nuh derserve bed bun. She cayliss nuh warra-warra. Wen gyal like she a get sort out, har knee dem fi a bada har pon gravel, har head fi a lik up pon tree. She fi a shush weh dawg an fi a look if police a come. Cause fi har juju mus stay bad like holey-holey scandal bag weh did carry yam an macka bush. She fi all lean up pon car a roadside an den yuh sen on pon har. Damn hungry belly panty tief! It bun mi fi har, yuh see. An wen yuh find dem out an staat treat dem based pon how dem roll, dem ready fi say yuh wicked. Him shouldn't bring har goh a yuh yaad!

Anyways ... people link mi wid unu mix-up dem at ragashanti@mixupyaad.com.

Bless up ...

Cutmentz ...