Waaaiiiieeee!!! Oy deh, Oy deh, Oy deh! Tambourine Fambily an all Mixup linky-linky big up unu self. An propa respek to all a mi Ragashanti Live listeners pon Tambourine Radio ova tambourineradio.com. Bless up unu mad head self.

Mix-up time:

Eediat an Cyaan Rinse Bun

Raga, I have a mix-up fi give you. Some a dem man yaa weh nuh know fi give bun fi stay with them wife an no badda tek up weh dem caah manage. Hear the mix-up now. I meet the man in a week an I guess him wife discover seh him a gwaan wid a thing, cause the wife a go thru the phone an see the strange number store as man name, and she never hear her husband talk about this fren before. Suh when she start question him, him fly up an bawl out "gimme mi phone man!". And, that's when she know something is going on cause thats not like her husband. Suh she nuh do nothing but call my phone fi see if is a man a go answer in a the name him store it by. So when me answer, she's like "I am sorry I got the wrong number." But in a second I pick up what was going on cause I know some of the road code, lol.

But, anyway, Friday morning me in a me bed, the man call seh I must come downstairs. Me already pick up what was going on from the day before seh a drama a come from the minute him call like a wimp sey me fi come downstairs suh early in the morning. The wife say she start put on the pressure on him an a suh him start call out mi name, give her my number, and bring her at my house!

So, big up to the man dem weh when pressure reach dem, dem start talk de things dem pon then self, lol. The wife come on the phone and say "Honey, I am downstairs @ your house, please to put on ur robe an come downstairs for a minute cause she need fi know what's going on with me an her husband before she go file for the divorce. Anyway, I get up an go downstairs and we begin to talk, me and the wife. Guess wah, Raga? The woman nuh start BEAT the husband in front a me! Me say Raga, yu wah see the big yard man a put up him hand a try site the lick dem and the wife nuh stop box him up innna him face like har big son! I never know yard man can so fool. The idiot a open him mouth fi start chat again and the wife just cut him a box again and say "Shut the ... before I wooop your ass in front of her, and you need fi tell har sey I woop your ass this morning!" Then she eventually tek wey him phone, him car, an kick him ass out a di house without shoes pon him foot!

Suh yuh need fi tell the man dem don't do it if them don't know the road code. Luckily, the wife is a good lady because she was very respectful too, and also tell me "Honey, I dont have a problem with you cause him must know him have him family and stop look on other women out a road." Suh me affi big her up cause if it was some woman them would hype an try fi woop my ass too sey me a tek har man.

First, yuh damn right say a one real eediat dat wen it come to bunning. Dat deh bwoy deh is a propa fool. All now mi cyaan believe say him mek him wife bring him goh a yuh yaad. Worst him mek she a beat him up. Yuh right, di bunning ting a nuh fi him. Him fi jus behave himself an lowe out weh him cyan manij fi real.

But, pon a different note. Mi know yuh say yuh know di road code - but yuh mek a huge mistake!! Wen yuh a tek smaddy man, an da woman deh turn up a yuh yaad wid har man weh yuh a tek, an ask yuh fi come outside fi talk to har - nuh goh nuh weh!! Doan goh out deh!! Tell har say yuh nuh know weh she a talk bout, an dat she an har man mus leave yuh yaad before yuh haffi call police, tell dem say dem come fi kill yuh!! Nuh goh out deh!! Yuh lucky, cause if a some oda woman, a crazy monkey lotion (acid) dat inna yuh face. Neva tek a woman man an mek she sykes yuh an call yuh out a yuh yaad fi face har, an yuh nuh know weh she up to. Nuh Dweet!! Awoh!!

Anyways, peeps mi a cut ya now. Write me wid unu mix-up dem at tambourineradio@gmail.com. Bless up unu self.

Do road.