Bwoy di amount a tings a happen a Jamdown mi haffi really wonder if a yah so revelation start fulfill first?!

It seems like tings a get from wus to wussara in a heartbeat. All di donkey dem a feel it! One time gone mi used to see whole heap a donkey bout di place but right now dem scarce like good gold! When mi inquire only fi hear seh one donkey can trade fi 10 AK47! Mi naa lie when mi tink how people in a other country a send di gun dem to we so we can kill off each other while dem cook donkey meat an nyam and laugh afta we! Jamaica condition bad so til we want a shampoo!

precious commodity

When it comes to di violence it a affect everybody in every sphere. Doctor, lawyer, Indian and chief! And when mi look into how easily life is snuffed out with no care or regard for the precious commodity, it is worrisome.

The worst part is when these hoodlums commit these atrocities they disappear in thin air! It's like dem no exist and so people just a dead and there is no closure and no one being brought to justice and held accountable for these tings. Di other day mi a listen news and dem a say statistics show that four people a dead a day! When mi hear dat all mi wig shift because mi know we not having any civil war here and yet people a drop like fly! The violence a touch everybody door yah now and if we keep up di almshouse and do nothing the same Chiney people dem ago come tek over we country because dem mean business.

And on di note of Chinese taking over I've been following this Goat Islands saga and mi a lean to the side of making it go through. If mi haffi choose between a better life fi iguana and wildlife and a better hope fi we as Jamaica, I will choose better for my Jamaican people.

work and accountability

Right now me tink is a good option and is not like we have many options coming our way anyway. The Chinese dem will come and do good because dem work ethics is better than ours. Dem come bout work and accountability and getting the job done. Dem no deh pon work site a rub out dem hand middle and try see how much bag a cement dem can hustle! Dem tek dem likkle lunch break an eat dem likkle bowl a rice and dem back to di job.

I'm not for outsourcing our labour and bypassing skilled and hard working Jamaicans but I'm also for getting the job done so that we can move forward and do better with the next 50 years to come than what we have done with the 50 wah gone. Sometimes it better to be the tail of something than the head of nothing!

If mi haffi choose between a better life fi iguana and wildlife and a better hope fi we as Jamaica, I will choose better for my Jamaican people.