Dis is the land of my birth, dis is Jamaica, my Jamaica, di land of my birth. Big up Jamaica. 51 years of independence. Mi proud a mi likkle country. A we say likkle but tallawah, a we say by any means necessary, a we say we nah sell out Jamaica. Memba unuh can link me at lattygoodaz@hotmail.com

Grand Gala neva ready!

Over $100 million spend pon Grand Gala and all now mi still a wait fi see the other $90 million. It never ready at all. Di production pop dung and the format stay bad, is like we still stuck inna the 1960s. A bere old people a perform, a wha happen? Young artiste nuh get independence? Lisa Hanna you need to modernise the event or make Babsy Grange plan it.

Queen Ifrica tun up di ting

Queen Ifrica make the whole Jamaica inna uproar. Di people dem say Queen Ifrica's set was inappropriate. Last year Tony Rebel go up deh and dem cuss him off, dis year Queen Ifrica go up deh and people still a cuss. A plan Queen Ifrica and Tony Rebel plan? A who dem a go book next year? It look like Government love the controversy because a di most memorable ting dat from Grand Gala.

Popular promoters a war?

Dream Weekend, RTI, RumBar Flexweek and SPF done now and some people a go home to empty house. Some people a hide from landlord because dem use dem rent money go party. Some people borrow money fi go party and don't know how dem a go pay it back. How dem a go sleep tonight? Wha dem a go eat tonight?

Party done, how di money ago?

A which popular promoters mi hear say inna a likkle war wha day ya? Mi hear say one even hawk an spit inna di other one face and him couldn't defend it. Dem say a nuh di first man a rush him.