Latty Goodaz and her family were sleeping when mi memba say a suss time, so mi deh ya wid di scandal bag a mix-up. A nuh tutty gran' suss and a nuh tutty grand mix-up. Big up all a mi Goodaz dem whe have up dem good up good up 'flat scream' and bere tings. Memba fi email me at

Economy shape contestant

How Dayton Campbell fi a talk say the Miss Ja contestant shape like the Jamaican economy when him fava when truck run over pig tail. Dayton, you fava when tax go pon light. You look like when breeze blow pon Portia bang. You need to resign and find something constructive to do. Twitter is not for you!

Release di tape dem

A wha deh pon di tape dem? Who have di tape dem? Who edit di tape dem? Wha really make Asafa and Sherone people erase some a di footage? We still a wait pon Peter King tape. Release di whole a di tape dem.

Recycle frock pan Miss Jamaica World?

A me one realise say it look like dem recycle di frock dem inna Miss Jamaica World? Unuh too wicked. A really give unnu give back the girl dem di same dress dem from bout three years ago? A so life hard? A suh frock nah sell mek unuh haffi a recycle dem?

Tutty grand medication she deh pon?

Whichever medication Alaine deh pon dem need fi tun dung di dosage. Mi ketch a likkle piece a her pon Rising Stars an mi frighten. Alaine and Rosie a sister? A di tutty grand medication she deh pon? Alaine, tun it dung, lock it dung and plug it out. That persona is not fi you.

Beast losing $60 million

Dem say Yohan Blake a lose $60 million dollar because a him injury and him nah go get fi run again fi di rest a di year. SIXTY MILLION DOLLA? Mi wudda haffi crawl pon mi belly inna di race because mi nah give up dat amount a money. Yohan Blake, you want come borrow my two foot dem?

Dem lef Mavado pon di gully side

A how dem lef off Mavado offa Sumfest? How dem fi do dat to di Gully Gad? It look like Vado did well want fi perform and dem jus lef him pon di gully side. Di people dem long fi see Mavado. We want justice.