Bless up all a mi Mixup linky-linky an all a mi Tambareen Fambily gingeration. An big up all crew ova mixupyaad.com. Unu sets a crazy vipers!! LOL

Mix-up time:

Family Ram Drama

Big up yuhself, Raga. Mi always read yuh mix-up dem every Tuesday an Thursday inna di Star pon mi BB. Anyways, mi have wah dutty mix-up fi gi yuh. Wen mi did lickle, mi grow up pawt time inna a St Andrew community an yuh use to have dis nasty crawny family weh deh wid dem one anedda. Raga, one a di main incest drangcrow was wah big thick one. Mi seh him use to tek him niece. Day een and nite out di man tek weh di lickle gal dem innocence.

Anyways, mi a chat to smaddy di odda day weh still visit bout deh an dem name guh mention. Raga, wud you believe seh di smaddy mek mi know seh di younga one dem tek up di trend now an di latess inna di nawsi family is one a di bwoy weh a 17-year-ole a sawt out him sista dem! An wen dem complain to di mumma she seh fi jus gi him an avoid di awgument. What a ooman dutty, eh?

Hear di dutty pawt now. Di mumma in question was a fawma ICI weh did own half a parade, every odda stall dung deh a she use to own it inna di '90s. Now she pap dung like fat man ole van, Raga, an a live like dawg wid har wutliss fambily. Dis same ooman mi hear a mek har 17-year-ole a sawt har out. Yes, him a sawt out him mumma, cos di sista dem tiad a him an she affi a atten to him needs. Mi hear seh one nite she well dress up wid har frenz dem a guh Rae Town an di bwoy tell har fi guh tek off har clothes, a weh she a guh. Wen di frenz dem axe har why him a behave suh har excuse was dat "a suh him gwan if him nah feel up mi tdem." Mi seh mi angry fi dem, Raga, ah wish brimstone an fia pon dem blow weebos.

How it buss out enuh a wen him uncle ketch him a sawt out him mumma inna broad daylight! An to tink di dutty bwoy a shotta an man still a knock fiss wid him an know bout him nastiniss. Mek mi know if yuh get mi mix-up, Raga.

Blessings an nuff luv to you.

Jah know star ... dats why mi always say if yuh really waan know wa a gwaan inna di worl', a mix-up yuh haffi pree. If yuh waan di real solid education pon how people really stay, den yuh haffi find out wa a gwaan inna darkniss an bring it to light - an mix-up a di best pon dat!

If weh yuh say is true, den sia da bwoy ya a roll like him a real man but a diss up him mada an him sista dem wicked. An di muma wukliss cyaan done.

Inna all a dis it mus also mean dat di sista dem a suffa fram dem a likkle pickney. All kind a sexual abuse mus a reach. Dem life mus' scar up wicked.

Hear mi man, if unu know fi sure seh dem a rape off di likkle girl dem INFORM pon dem! Yeah, goh tell Child Development Agency (CDA) wa a gwaan an tell dem nuh fi call unu name. Doan goh to police station inna unu community, cause unu know how dat can goh, two twos word can reach back to di shotta an den dem tek it to unu. Soh wen unu know fi sure say dem a rape off di likkle girl dem inna dem family, goh tell Child Development Agency, an mek dem link di police an deal wid di matta. Call CDA.

Di oda place unu can goh is di Centre for the Investigation of Sexual Offences and Child Abuse (CISOCA). Call dem an mek dem know wa a gwaan; dem more likely fi help yuh.

Awright ... mi haffi leggo ya now.

As fram next week mi ongle a goh write dis mix-up on Thursdays. Only THURSDAYS as from next week.

Continue sending mi unu mixup dem at ragashanti@mixupyaad.com. Outa road!

Cutmentz!

Yes, him a sawt out him mumma, cos di sista dem tiad a him an she affi a atten to him needs.