All hot gal buss a blank, all clean heart people buss a blank!!! Latty Goodaz nuh stop buss blank cuz me rate all who rate me. Mi love how unuh a send in unuh suss from all over the world. Memba fi continue send in suss to lattygoodaz@hotmail.com

Backstage tension a Barbados

Di star suss tun up now. All Barbados it reach. Big, big show keep a Barbados and one plane load of artistes deh deh. Busy Signal deh deh, Tarrus Riley deh deh and even Shane Brown did deh deh. Mi a wonder if no likkle tension did deh backstage when di whole a dem deh deh? A wonder if no bad vibes was there? Unuh email me and make me know.

Who ya show off pon Busy?

Talking bout Busy, what a way you nuh stop post up picture now a days eeh? You tun all picture man. You just a shell dung Twitter and Instagram wid picture so. A who you want see you? A who ya show off pon? Mi all see you post pic a you bredda whe a run tings now ... It look like the TURF tun up ya now.

Duppy dem a wreak havoc

From wha day ya a bere duppy story mi a hear bout. A wha really a gwaan? Life hard so till all di duppy dem start wreak havoc. Mi tired fi bawl out say we need help. To how poor people a suffer, duppy all a bruk inna people house and cook curry chicken and rice. Di country mash right dung. All di duppy dem a feel it.

Landlady kuff, kaff Unicorn

Unicorn say di girl dem must hug up dem pillow and think bout him, but to how dem allege say di landlady kuff, kaff, kweff him, a him haffi go hug up him pillow ya now. Mi caan believe say a dat dem do to the deejay. Imagine ...