Bless up to all a mi Tambareen Fambily an every one a di Mixup massive. An propa respek to all linky-linky ova mixupyaad.com an di more dan 156,000 a uno upon mi fan wall a facebook.com/ragashanti. Di whole a unu a God bless straight.

On to di mixup dem.

Raga, mi have a mix-up fi give u. I'm a ghetto girl who met a uptown guy thru a friend. Me neva plan fi settle down but tru him have money mi just a cut and go thru, worst me did have me man. Me an me man did have little problem so me decide to bun him. Raga me man breed me and true the uptown man na no pickney me just tell him say a fi him. Puppa Jeezaz Raga, crazy money start run. When him come visit me, I tell my personal man a me brother and me tell the bunner man the same thing. Raga u want see di two a them siddung pon bed wid me inna middle. Raga when me baby born, it a coolie and resemble me man. The bunner man a negro so me just tell him the baby get mi mada hair. Him sign certificate and things and mi man na no clue. Him swear baby have his name. The uptown man de a foreign and a send barrel and money and a plan fi file fi baby and say DNA haffi go do. dwl! That's a next story Raga, I keep u posted. This a happen in a Spanish Town. Bless

Listen me nuh ... yuh playing a very dangerous game. All kind a bad possibilities can come outa weh yuh a gwaan wid. Yuh pickney can end up a suffa, too. Yuh betta calm yuhself an stop run di ting soh red. Rememba, as old-time people always a say, "trouble nuh set like rain."

Swiper Dancehall Artist

Raga, big up the bad-man artiste weh mi a sort out an who ask me to swipe him. Raga, I told him that I never do that on the first time that mi a sleep wid somebody and that me need fi know him more. Him keep on a bother me bout it until one day me start do it. Me did want to do it long time but I never want him to think bad of me. I have no problem doing it and I am not shame to do it.

Then me keep on a ask him to do it too. And him say no and that him neva do it yet. But me keep on ask him Raga, and me notice him not stopping me from asking him. Me always ask him in a sweet way so that him no get mad and me tell him I would never tell anyone cause me already do it to him an he could tell people that I did it too.

Raga, one night me sense say him want to do it, but he was acting like he still did not want to, but I just know a me him want to encourage him. So me tek time coax him Raga an push down him head wen him a kiss me. Raga wen him reach him a ask me what to do and a gwaan like him nuh know nuttin because him tell me him neva do it before. I just play along with him and tell him what to do. Him keep on a ask what to do and me keep on a tell him. Raga, after a while him mussi forget say him did tell me him neva do it yet, because when a tell you how him get way in a it. Raga the way how him did a gwaan mi did think him did a dead fi hungry cause him did goh hard. Raga di bwoy a expert!

When him done me just still play along and tell him how me proud a him how him learn fast and follow me instructions good. And Raga get this, when we were talking and laughing, him mouth go slip an say a only brown girls him do it to, then when him realise what him say him a try fix it up and a say that what him mean is that he would only do it with brown girls in the future. But Raga a long time me a swipe and a get swipe, and me know a expert swiper when me get one. Him bad Raga. But me not making him feel bad, cause me want him dj in a the tunnel again.

Waaaaaiiiiieeeeeee!!!! Big up di bad-man Tunnel Dj!! Woooooiiiiieeee!! If a laugh a bruck a rib. Nooo sah!

Nuh bex, but as you will have noticed mi change an edit up nuff a weh yuh write to me, cause di tings dem weh yuh write jus couldn't goh inna di Star. Yuh nuh easy eeh, all a sen mi di artist name. Hear wa mi a goh ask yuh, if yuh feel yuh haffi tell back people da mixup ya, do yuh ting, but don't call di artist name!! Jus like how wen unu woman squeeze we men a one piece an tell we nuh fi talk, a same way wen a man do di tings dem wid unu dem nuh want unu talk either. So stop call di artist name bout him swiping!!

But me jus wish me coulda write di part weh him do wen him did a run outa breath... waaaaiiiiieeee!! A weak!! Mi nuh surprise though, cause me get several swiping mixup bout him long time, an fi him mout always full a lyrics. Yuh know wa? mek a goh bout mi bizniz. MEK A SHUT UP AN GOH BOUT MI BIZNIZ!

Hear me people, unu sen mi unu mixup dem at ragashanti@mixupyaad.com. Mi a leggo ya now. See unu Thursday, same place yah soh. Bless.Cutmentz.