Next ting, mi wah fi know why the pageant winner a common up harself so?

Last week dem say athlete a feature har enz and this ya week mi see har itch up ina picture wid Gyptian a video shoot.

It look like yuh following in di footsteps of anada beauty queen enu.

Tek my advice young lady, doan be like some a dem whey nuh stop move from man to man. It's not a good look at all.

How mi hear say Kartel first Lady go up a courthouse a try bail him out?

Mi cyan tell unu how mi get a call yesterday from one a mi police link say the lady was at the Half-Way Tree Courthouse wid all sort a documents trying to get her beau out of jail.

Is a sad ting when unu nuh understand certain tings cuz Kartel nuh have nuh whey a go till him get bail pan di next murder case.

Looks like he is gonna end up just like the Ninja, one year down two more to go.

Yes mi people mi deh ya again, yuh know say from it touch Thursday yuh nuh affi worry Lady Upsetta eva have di hottest suss fi dash out pan unu. Don't forget to send all your comments to Ladyupsetta@hotmail.com

Vegas Facebook drama

Fuss ting, what a way Vegas him dash out him business ina week yah.

Di man say how him ketch him woman of seven years cheating on him. But unu nuh see wah gwan while Vegas a dash out pan him woman?

A man write pan Vegas Facebook page say what goes around comes around. Vegas, Vegas, mi wah yuh come tell we if a lie di man a tell say unu use to have unu fun times at the Marriott. What a preke.

Selector have the big A

A which selector dem say have AIDS. Yup, news reaching yours truly is that a popular selector has been infected with the disease.

Word on the streets is that the selector's woman died recently at a nursing home overseas.

People dis is the time to take heed nuh have sex without condom, mek sure unu wrap it up.

Bun don't respect no one

Finally, a which big executive mi hear say did ago jump thru him window whey day? What a piece a drama eeh man, mi hear say the white man wife a gi him bare trouble and him tired a it.

Yuh a hear me man, too much good looking woman deh a Jamaica fi yuh wah go kill yuhself ova she.

If a deh so di ting reach, trust me, she definitely nuh worth it. A betta yuh come link Lady Upsetta, yah man.