Yes people, Latty Goodaz at dem fi anedda week. Big up all a di fans dem cuz a unuh say Latty Goodaz to di werl!!!! Memba unuh can send me unuh comments and suss to lattygoodaz@ hotmail.com.

Twitter mommy

Speaking about baby, how the artiste weh have baby recently find time fi di baby? Before mawning light and after sun set mi see her pon Twitter. When you find time fi change baby nappy?? Mi see all post pon Facebook say you a go shoot video!

Athlete nuh 'pull up' with pageant girls

It look like say a certain athlete really like the pageant girls dem. Him pull up early inna every race but di girls dem say him nuh pull up early in the bedroom. Mi see all picture a post wid him and di winner fi di latest pageant. It look like him nah waste no time, as one gone ... him find a next one fi run in!

What's wiTh the baby secrecy?

Listen to me, after dem make big video and make big announcement pon Facebook and Twitter, u mean fi tell me say Yendi and Chino have baby and keep it so quiet? A wha kinda secret dis?? A wha happen make unuh nah talk?? Unuh a behave like unuh a Jay-Z and Beyonce?? Unuh think unuh baby a Blue Ivy? Latty Goodaz deh pon unuh case like Matlock.

Athlete get bokkle buss

How dem a gwaan like dem wha hide tings from Jamaican people so?? Dem nuh know say Latty Goodaz have di all seeing eye. Mi have every suss pon lock. After we spend we tax money and send di athletes dem go England, one a dem inna club a Birmingham a make di British woman dem bruk it dung fi him. Mi hear say di woman boyfriend see dem a dance and step to dem. Di athlete start puff up chest and a hype up himself only fi get a bokkle buss inna him head. How some a unuh love hype up unuh self and caan defend it??

No Big buss since Worl' Boss lock up

People, unuh nuh see say a nearly one year since dem lock up Worl' Boss?? When dem a go free him up? Di people dem say dancehall nah gwaan wid nutten without him. A Konshens alone a try fly dancehall banner high. How some a unuh artiste feel? All when Kartel deh a jail unuh caan buss!

Milky drama

Speaking of Worl Boss, the self-proclaimed Girl Boss, aka Milk, mi hear say people have picture a pass round and a speculate say a you. Milk say a nuh she and people who see the pic say it nuh look like she. All of a sudden, mi go pon Twitter and Milk a tweet say she feel like she a go sue THE STAR fi publish the story because dem a rehash the incident that did happen in 2008 too much and it can affect her son. Listen Milk, you never know at that time that it cudda affect your son when you did make the picture take? KMT, Milk you need to have a seat!

Make-up disaster

Before me leave, make mi just make some a unuh artistes and other females know say unuh need fi learn how fi put on make up. Unuh a walk round inna some shade weh nuh fit unuh complexion. Some a unuh have Potential Kidd complexion but when unuh put on make up all of a sudden unuh face fava fi Sean Paul. It doan look good. Stop walk and frighten people!!