Nude J'can bust

Unu did hear say dem round up a number a Jamaican woman whey day a Bahamas? Yes sah, eight a dem get ketch ova deh a dance go-go in di nude. The funny thing is one a di girl dem family put up har picture pan various blogs say she missing. Can u imagine how the people dem shock outa dem wits when dem find out say she ina custody and charge fi gross public indecency? Mi all get fi understand say three a dem also charge fi soliciting prostitution but mi luv, mi couldn't tell yuh if she in di lot.

Family drama

A likkle birdy tell mi say the singa big up him two daughter dem ina the big man restaurant whey night yah, but people wah fi know how come him nuh big up him babymother dem. Nobody nuh know a who dem all we a do a speculate. The likkle birdy say him not even did know say the singa did have a daughter already. Mi know unu nuh like comment pan unu private life but mi nah go lie it look a way man. It more look like unu shame a unu one another more than anything else. If a did eva my babyfather, when him come home mi would affi bus him shut.

Wha gwan people, we're back! Yes the most sought after column in THE STAR is back! Mi granny use to say if it nuh guh so it nearly guh so, bearing that in mind, mi hope when mi start leggo the business people nuh bada tek offence. Anyhow I'm your girl Lady Upsetta and me want unu link me pan Ladyupsetta@hotmail.com

Sticky politics

A wha really a gwan ina the political arena whey mek dem a fight out di Ras so? The man ah say education but dem wah roadwork and bushing. Bwoy people unu need fi look pon di brighter side. Don't be fooled, think about di long-term benefits. If unu bush the place today and fix the road tomoro couple months down di line unu same one ago come back come bawl say the Government nah do nuttn fi unu. Pan di nex hand if unu kids get an education it more likely say dem same one ago be able fi come back come help unu.

X3 flossing

What a ting eeeh man, di other day mi deh pan a bus a go a Spain when mi hear some shoolaz a say if a only X3 di artiste coulda afford fi buy. Mouth say di way him love rave a X6 him shoulda buy. Bwoy artiste if pickni can say so it sticky pan your side.