Di way how Kay-Ann Lamont and her unborn baby lose dem life really an truly mek mi grieve all now!

Is like everytime mi hear the story or even come cross the disturbing image on the 'net' mi heart cringe an mi soul crumble fi know seh a so call bad word coulda cause all a dis! Wah Jamaica really come to when pregnant women can be gunned down inna broad daylight by one who swore to serve, protect and reassure?!

Mek mi quickly point out dat anno every police a monster an yuh have officers wid integrity and honour serving but dah case yah tek di cake. Mi wonda if "rhatid" is a badwud, mi want a bulletproof vest! It is so heartless and inhumane and no kinda excuse or explanation cyaa soften dah one yah. Reports have surfaced that di policeman's family a get threats an if dis is so mi condemn dat too jus like di killing because di fact is his family is innocent.

Under section 9C of the Town and Communities Act any person who shall make on any fence, wall or other building, any obscene figure, drawing, painting, or representation, or sing any profane, indecent, or obscene song or ballad, or write or draw any indecent or obscene word, figure, or representation, or use any profane, indecent or obscene language publicly can be subject to a fine not exceeding $1,500 or to imprisonment with or without hard labour, for a period not exceeding thirty days.

Dah law yah pass inna 1834 an dem amend it inna 1997 and all now it no really specify which word is obscene or profane! So at di end a di day who determine which word is a 'badword'?

colonial restrictions

Some people might think vagina or clitoris is obscene while others may think telling someone to do a certain thing with his/her mother is more obscene! People tend fi tek dat more personal yet technically is not a bad word. It come in like we still shackled by colonial restrictions an not even realise seh a we a suffa at di end a di day.

Mi neva hear no so called badword stab, shoot or kill nobody but you can get locked up for it, yet cigarette smoking wah can kill yuh directly an' indirectly dem naa walk an lock up people fi dat!

Truth be told who cuss badwud like police? Almighty a dem seh put every claat store outta business yet when dem cuss it affa we, we can jus' report it at the station an dem gi dem a departmental notice. Mi tink everybody shoulda can get dah notice deh cause fi cart smaddy off to jail, waste court time, taxpayer's money, di judge time an everybody time is one big waste of time! More important cases coulda deal wid. Smaddy cuss bad word dem can get a ticket go tax office an pay di fine or dem go court go defend demself but to be losing lives ova a badword in 2012 is a back ward step fi di country an di people.

stressful environment

Dem need fi look into the stressful conditions that di police dem work unda. Nuff a dem work in adverse situations and in very stressful environment which mek nuff a dem a ticking time bomb. An when a police kill smaddy so indiscriminately an a go seh a stress dat no ease no pain. Because as a trained professional, handling of stress should be second nature cause dem work deh loaded wid stress.

Mi think the force need to revisit di hours dem work, step up dem chaplin intervention and psychologically access dem intermittently cause dem a human being as well. We cyaa wait fi another innocent life go down di drain to look into these tings, dem need fi sort out like from yesideh!

My condolences to Kay-Ann's family and we will keep them in our prayers an the same goes out to the other pregnant women who lost their lives recently.

Jamaica we naa gwaan well at all enuh an das why some people a seh wah really bout 50 years of independence we a celebrate an still a live like hog an dawg. We need fi shake up we folly grounds to wats it not!!!!