Straight blessings to all a mi linky-linky. An shell dung spec to all original Mixupyaad connections an all Mix Up an Tambareen Fambily membas pon all a mi Internet wall dem.

Straight to di mix up now:

Massage Mix Up

A woman goh a one spa fi get a massage. Wen she reach har regula masseuse neva de deh, so dem recommend one a di new female worker dem. She tell dem she cool wid dat an go inna di room. As is customary, she strip naked an wrap up wid har white towel an goh lay dung pon di massage bed an wait fi di new masseuse fahwud.

Di masseuse fahwud an staat do har ting. Di lady staat to notice say di masseuse di bad like yaws! She say she did jus know weh she a do. She say wen di masseuse a work she jus feel har stress dem jus a go weh so. Har han dem was like magic.

Anyways, she say she notice say di masseuse staat to kinda a touch dung deh so. Yeah, same place dung deh soh! Unu know weh mi a talk. She say she nuh pay it nuh mind. But di more she nuh pay it nuh mind a di more di masseuse goh likkle further. Pretty soon di masseuse a goh further an further until she staat gwaan wid a bag a tings pon har. She say she neva complain an dat di feeling did good outa dis world!! Di way how it did sweet she say she staat all mek noise weh she neva yet mek before. Di masseuse end up a sen on a propa swipe pon har - details of which mi obviously cyaan put ya soh inna di Star. She say di way how di swipe tun up she staat scream out to di point where di masseuse haffi stuff har mout wid a towel. She say di masseuse shot di works an mek she feel like she had never felt before. It was the greatest pleasure she ever feel.

Hear di real mad part ya now:

Wen di masseuse done do har ting she say she jus siddung up pon di massage bed an wen di masseuse come roun smiling an a ask har if she feel okay now - she say she jus suddenly ease back har hand an wheel it roun an SHOT DI MASSUESE A RAHTID BAX!! Den she scream di masseuse 'don't you ever do that again!!". She say di masseuse look pon har shocked and confused, cause of course di masseuse mus di wonda seh if she did love it so much den wa mek she bax har har an say she nuh fi dweet again.

confuse me

Of course me too did haffi did ask har if she did actually neva like weh di masseuse do. She replied dat she did love it! An dat fram she a sort out it was di bes feeling she eva have. Of course dat confuse me even more. So me ask har di obvious question, which is, if she did love it so much why she bax di masseuse? She say because she is a prominent professional, and because she is well known, she neva know if it was a case where di masseuse did a set har up fi goh a road goh talk tings bout har. Soh even though she did love it, an even though it was di bes sexual feeling she eva get, she put on di helleva bax pon di masseuse in order fi protect har self. Dat way di masseuse cyaan goh a road an goh say she do di tings dem to har an she did jus a bawl out inna ecstasy an neva raise no objection. By baxing di masseuse she protect har self an did a gwaan like she neva like it.

several months

She say she goh back deh several times over several months an mek sure say she nuh tek di same masseuse. She use some other workers. Den one time wen she did jus done get a massage from one a di oda masseuse dem an did a leave, she jus neatly an quietly put a envelope wid a big tip inna di lap a di masseuse weh did sort har out. Den she say several weeks later she request back di same one weh did fix har up. But she say di masseuse did jus gi har a good massage an neva try nuttin.

Den she say couple months later she request har again. But she say wen di masseuse a work da time deh she jus staat subtly a moan, an a wiggle up har body in a way weh mek di massuese know seh she want di fix up again. She say di masseuse put it on pon har propa. She say she jus leave har wid a nice tip again.

Now she say anytime she want a propa fix she jus draw fi da masseuse deh. But neither she nor di masseuse eva say anyting to each oda bout it. Wen she goh deh di masseuse jus gi har weh she waan, she tip har good, an den she cut. She say she all see di masseuse a supermarket an dem doan talk to dem one anneda. Both a dem jus gwaan like dem neva see each other yet.

Interesting.

Anyways, she say she notice say di masseuse staat to kinda a touch dung deh so. Yeah, same place dung deh soh! Unu know weh mi a talk. She say she nuh pay it nuh mind. But di more she nuh pay it nuh mind a di more di masseuse goh likkle further.