Shell dung respek to all a mi Tambareen Fambily linky-linky an all a mi Mix Up bredren. Bless up unu self.

On to di mix-up dem:

Ex-Man a Wobble

Raga mi have a mix up fi u! Mi wah big up mi ex-man weh gi mi im fone fi add music to it and tell me dont look thru it. So being the woman I am mi look thru it and a bare penises of all shapes and sizes in deh, and one bag a gay porn. Now him best fren a tell mi seh him live wid a next man and man a mine him.

Rahtid!! Wat a prekeh? It look like seh all di time wen him did deh wid yuh him was eeda a bisexual or really jus fully gay. Actually, it look like him jus all-out gay, cause if him was bisexual him probably woulda also have pitcha a woman inna di phone.

An tell mi supm, yuh feel anyway fi know seh him did deh wid yuh an a gwaan like him straight wen him did really gay? It bada yuh? Yuh tink seh him did jus a use yuh as a shield fi cova up him deeds? An mi also a wonda why him woulda gi yuh di phone, den tell yuh doan search it? Dat soun like him did WAAN yuh fi search it. It jus nuh mek sense say a man a go have so much pitcha a penises inna him phone, alongside a whole heap a gay porn, an jus loosely gi him ex-girlfren him phone soh. Mi feel seh dat was jus fi him way fi reveal to yuh say a jus bare man to him ting.

Swiper Dread

Raga me a sort out a entertainer weh have dreads. Him never hide it from me say him have a woman. Him tell me and we decide to work wid it. And he told me I was the only other woman him have wid him woman.

But then me find out that him have another woman. When me confront him bout it him deny it. But me find out where the girl live and past har yard late at night and see him car park up over there. Sometimes him sleep over there and then tell me he was home with his woman.

But it nuh finish there. Cause now him have a nex girl. So this make a four a we in all. At least that is just what I know about. The problem is that him go out with this fourth girl and when they were leaving him swipe har in the parking lot! Well they were not exactly in the lot but they were near to it. And me an mi fren saw wen him put har up on the front of her car an him swipe har for nearly half hour and then they had sex right there.

Raga even though me an him swipe, and even though I know him swipe him woman, I now get sick anytime I kiss him, cause all I can remember is when he was swiping the girl. I tried to stop kissing him but it is hard to do when we sort out. And he loves to kiss. Right now, I prefer to swipe him than to kiss him.

What should I do?

A wa yuh a ask mi say?? Mi really nuh know wa fi tell yuh.

But mi neva fully undastan some a unu who accept seh unu a bunna gyal, but get upset wen unu find out bout anneda bunna gyal. Why is it dat some a unu always a defen unu numba-two status by warring di numba-three? If di man a bun him woman wid unu, why unu a goh surprise wen unu find out seh him have anneda bunna gyal?

An mek mi try and undastan di swiping issue now: You an him swipe, an it neva bada yuh say him swipe him woman, but now yuh a get sick wen yuh an him a kiss because yuh see him swipe a nex bunna gyal? So why yuh neva get sick wen yuh know seh him a swipe him straight-up woman? A wa, him straight-up woman nookie cleaner dan di oda bunna woman own?

Well hear me now, yuh a do di tings dem wid a man who a bun him woman wid several oda women, including you. An him is clearly smaddy who love fi swipe every woman who him sort out. So di only way yuh fi have problem wid weh him a do is if yuh feel say by him a sort out so many women him might end up a mek yuh ketch some sort a disease. But if dat is not yuh concern, den gwaan do yuh ting, cause yuh did already accept it an a kiss him an a swipe him long time an it neva kill yuh - so me nuh see why it should be a problem now. If yuh cyaan manage it den it simple - stop sleeping wid a man who yuh know have him straight-up woman an naa ramp fi fling up him mout.

As old people always say: if yuh love di cow, den accept di calf.

CHOOSE!! ACCEPT!! Den DOAN COMPLAIN!!