Greetings, greetings, greetings!! Bless up unu self, mi peeps. Big up all Tambareen Fambily linky-linky an all a mi Mix Up bredren. An bless up all listeners pon Tambareen Radio ova Mix Up Yaad (mixupyaad.com). Straight blessings, indeed. Mix-up time.

Raga, I just found out my mother has been sleeping with one of my friends. I am a 19-year-old student in university. I am her third child and the younger of two boys. Whenever my brother's friends or my friends played football, my mother always cooked for us. So all my friends know my mother well.

My friend who was sleeping with my mother is 23. He told some of our other friends and told them not to tell me. One was trying to tell me but I just didn't get it. It just was nowhere in my mind that my mother would do that. He kept asking why it is that the friend who slept with my mother was always at my home alone with my mother. But I didn't think that was suspicious because the friend who slept with my mother lives near to us and his family is close to our family.

Raga, to complicate the situation, we've always known that my father does not get along with the father of the friend who slept with my mother, but we never really knew why. We just assumed they simply did not like each other.

But now we're hearing that the reason they don't like each other was because my father cheated with the mother of the friend who slept with my mother.

On top of, that I heard that when my friend's father found out my father slept with his wife and asked him about it, my father was very disrespectful to him. This supposedly happened a long time ago, but is the reason why my friend's father stopped talking to my father. What is clear is that my friend knew that my father cheated with his father's wife from the time that it happened. I did not know, and my friend never made mention of it to me.

I am now wondering if what happened in the past has anything to do with my friend now sleeping with my mother. Raga, do you think my friend is taking revenge for his father?

Pupa Jeeezas!!!

Hol on deh, mek mi say sitin fus before mi staat rinse mi insights pon yuh mix up. Di way how yuh did write yuh email it did complicated an very hard fi falla an undastan. Soh mi did haffi fix up nuff tings inna weh yuh write. An some a di words an phrase dem weh yuh use couldn't publish inna di Star, soh mi did haffi change up dem deh too. But as yuh can see, mi nuh change nuttin inna di actual mix up. Now fi weh mi tink.

Massa, dere is absolutely no way yuh fren a goh sleep wid yuh madda an totally forget say your fada did sort out fi him madda an den diss fi him fada. Mi nuh know if a straight up revenge, but it mus did inna him mind wen him did a mash di works. Mi nuh waan yuh vex, but mi jus haffi keep it real. Wen yuh fren did inna di process him mus at some point did a think supm like dis: "Woooiiiie!! Look how mi deh ya a dagga di wife a di man who sort out mi madda an dis mi fada!" It's jus inescapable, it haffi did at least cross him mind.

But it look like yuh naa pree one oda important possibility. Mi nuh tink yuh mumma jus get up an randomly choose da specific fren deh fram yuh crew. Mi tink say she was very aware say she a sleep wid di son a di man weh har husband nuh like an diss up. Yuh ever hear di saying 'hell hath no fury like a woman scorned'??? Well, tink about it, yuh nuh feel say yuh madda mus di vex wen she hear say har husband (your fada) violate an go sleep wid a family fren? Yuh nuh tink say yuh madda mus did well vex wid har husband AND yuh fren madda? Yeah, your madda was betrayed by both har husband and har fren.

An tink about it, yuh madda a big woman, your fren wouldn't really tink fi goh brite up himself an goh put arguments to yuh madda jus soh. An most big woman naa goh jus sleep wid dem son fren jus soh. Soh it seem to me dat a yuh madda who might be di one weh really a run di program. You de deh a wonda if a revenge yuh fren a rinse wen him sleep wid yuh madda - wen perhaps yuh really need fi a wonda if a revenge yuh madda a rinse wen she chose fi sleep wid di son a di woman who tek har husband, di same son of di man yuh fada nuh rate. Dat mus bun both your fada an yuh fren madda!

But wat a piece a prekeh eeh??!! Noooo sah!! Nuh feel nuh way still, but di mix-up tun up! Mi really feel say a your madda a hot up dem head. Mi know it mus haad pon yuh, cause most people don't even waan fi haffi tink bout dem parents a have sex, much less fi a tink bout dem madda a sleep wid dem fren. Soh it mus rough pon yuh.

It would be totally understandable if yuh waan cut off yuh fren weh sleep wid yuh madda. A your choice. But mi tink a YOUR madda really a run di ting. Yuh may waan gi har a reasoning an get a betta sense weh har head space deh. In di meantime jus gwaan hol it an nuh bada mek all a dis stress yuh out. You did nothing wrong. If anyting a all a dem shoulda did wonda how dem actions a goh impact pon you. A strength we say mi boss. Tan up trang! Bless up yuh self.

Ragashanti

The King of Mix Up