All Tambareen Fambily linky-linky big up unu self. An propa respek to all listeners pon Tambareen Radio ova Mix Up Yaad (mixupyaad.com).

Dutty Bed Mix Up

Raga mi cuzn dehwid dis guy (mek wi call im Cu-nu-mu-nu)an tings nah work out so dem mutually agree fi break up.She did gi mi di full 100 ponCunumunu six months ago an mi did tell ar seh mi a gi dem six months cuz mi know it neva did a go work.

Raga,Cunumunusen ar a text dis past weekend seh dem need fi talk and she agree.Sodem meet up Friday an talk tings ova an dem decide seh dem deh pon different pages and di relationship nah go work but dem a go remain friends becuz dem kids like each other and get along well (dem ave kids but not with each other). So all di kids dem end up spen di Friday night aCunumunu houseand dem explain to di kids dat dem a break up but will remain really good friends.

Raga dis a weh it get sweet an u mite tink she wikked. Raga I know my cuzn very well an mi always tell ar seh she mek ar gina rule ar too much.She love ar sort out BAD BAD BAD, by any means necessary. Anyways, Satday mawnin she get a text from one a ar ex (mek wi call imJoe Grine) a ask if dem still a link up, so she text im back an seh yes. Joe Grine now live in aneda state an she ongle see im once in awhile but im a pass thru fi ar state fi go home so dem decide fi link.Anyways, Joe Grine text ar an tell ar seh im deh pon im way.Raga afta him reach him lif ar up an buss big tonguings an start tell ar di sweet tings dem, den carry ar upstairs to di bedroom. She know seh even doh im a turn ar on she neva want im in ar bedroom yet cuz di bed neva spread but dat nuh really di reason. Raga she neva wah Joe Grine pon di sheet dem cuz she an Cunumunu did sort our couple nights before an she neva change di sheet dem. So Joe Grine go ask ar why she nuh wah go pon di bed, so she tell im. Raga she seh she tink seh im did a go gi ar time fi change di sheet dem. NO SAH!. Joe Grine pick ar up an put ar pon di bed an seh to hell wid dat. Di nex ting she know Joe Grine start di swiping!

So bare sort out a gwan she seh fi about 6 hours. All kinna places inna di houseand tings a get experimented. So dem done dem ting roun 6ish. Likkle afta dat she get a call from Cunumunu seh im a go come by cuz im need fi bring ar kids dem home. Cunumunu showup not long afta and Joe Grine did still deh deh. When Cunumunu go inna di house now, my cuzn introduce di two a dem. But heardis,she did tell Cunumunu bout Joe Grine wen dem jus meet, so now di two man dem a put face to di name. Anyways she seh dem deh deh and di kids dem go to fi ar kids dem room an gaan play. Cunumunu go upstairs behind di kids dem an seh im soon come. Raga mi cuzn seh all 2 hrs lata afta she an Joe Grine dung stairs a chat an laff dis man cyah come back dung stairs yet. She go find Cunumunu well sprawl off inna ar bed a watch TV, di same bed weh she an Joe Grine just done sweat up! She seh all ar ass juice inna di bed cuz there was no place dat joe grine neva lick. So afta she go see im inna di bed, she go dung stairs go tell Joe Grine and di two a dem pudung one piece a laffing. Cunumunu finally come dung stairs now and decide seh im a leave. An she seh it seem like Cunumunu nuh get it cuz afta im lef im text ar inna hrs a night a talk bout ow im miss ar an how im did mess up an im neva mean fi hurt ar. Now u tell me Raga.

Yuh know say mi mada always tell mi say mi nuh fi quick fi fling dung mi self inna people bed. If Cunumunu know say Joe Grine a har ex man, an him come deh an see him, him shoulda medz say supm coulda did gwaan between dem. An how him neva pick up pon di sex smell? Di room mus smell a way wid dat deh amount a shell dung sort out weh dem did jus done rinse.

An while Cunumunu have a certain amount a maturity fi neva did start nuh foolishniss wen him see yuh cousin ex man, him still shouldn't gaan lay dung a watch TV while she down stairs cock up an a buss big laugh wid him. Him kinda luu out himself deh soh.

It look like him a real Cunumunu fi true.

An by the way, yuh cousin nasty fi buss big sort out wid Cunumunu, an still have di same sheet pon di bed two days afta.

Ragashanti

The King of Mix Up