Tambareen Fambily an Mix Up linky-linky bless up unu self. Tambareen Radio crew an Mix Up Yaad massive big up unu self.

An propa respek to all Calabar linky-linky. A how we done dem soh??!! A how we jus lock off Schools' Challenge an seal up Champs. All dem a drap wud bout rat we still a beat dem bad! Bad! Bad!

Awright, mix up time:

Black (or White) mail Sort Out

Raga wa day mi go look fi mi bunna man a Ochi. Di two a we put dong a whole day sort out in a one little hotel ova de. Raga mi naa lie di sort out did good bad. All wen mi pain up an all part a me a hot me, me did still want more.

Wen we done mi bunna man carry me up a di Shell gas station fi mi hold a bus fi go back into Kingston. Jus before me come out a di car we did a talk bout how me sore up. Me did a tell him how mi sore up an tender bad. Him ask me fi show him di tender spot. Raga while me did a show him di spot him gently a touch it an a smile an a tell me say him naa go mash me up so again, and him kiss me and a hug me Raga. Same time wen we a hug me head go ova him shoulda and me was shock fi see me man breda stand up outside a watch me an me bunna man in a di car. Raga me shock so till me tun fool. Me tell me bunna man an him ask me if me tink me man breda did see everything wen me move me clothes and show him the tender spot, and when we kiss and hug. Me tell him me no know, but dat if him did de deh all dis time den him mus see. Me bunna man tell me fi play it cool.

Raga me come out a di car a go up a di bus stop and me bunna man drive off. Me jus go straight up to me man breda an greet him and start talk to him like nothing never happen. Di two a we talk fi a while till a bus come an we go in a it. Wen di bus reach Kingston we talk little bit more and then we go we separate ways.

Raga by me fi jus about fi go in a taxi a me man breda dat a call me. Him ask me weh me de an me tell him me bout fi go in a taxi. Him tell me fi wait cause him see wa did gwaan a Ochi an him want talk to me bout it. Him come ova an tell the taxi man an address that was his address. Mi ask him why an him say cause we have to talk bout the serious matter wid me a bun him breda an it betta if we do it a him yard cause it safer.

Raga when we reach him house him tell me say him see everything. An all say him know me bunna man come from a area weh near weh me an me man live, which is true. An pon top a dat Raga him all know say the area weh me bunna man come from in a war wid di area weh me an me man live. Raga you know say the bwoy say me have fi gi him a sort out fi him no talk. Me all start baal Raga. Eventually me make him do weh him waan do. Me don't even know if me fi tell me bunna man. Raga me no want do anything more wid him. Me no know what fi do.

Wat a piece a prekeh yuh go put yuh self eena. Anyways, my goal here is not to judge yuh about wat yuh did, but me a go gi yuh likkle advice pon di runnings.

First, stop acting soft and playing di victim. Yuh man breda is an opportunist and a predator. People like him love soft victims they can exploit and control.

Next, yuh man breda will come at you again. Know this: most people ALWAYS return to a source of great reward. There's actually a sure way fi get him fi buil an calm himself, but I'm not allowed to explain such things in the STAR. Basically, you need to put him in that position too where if he says anything to your brother he too will suffer serious consequences based on what you would say and/or do. And what you would do could involve some exaggeration and some lies. Yuh need to put fear in him! Mek him fret! Just DON'T beg him to stop or appeal to him for sympathy. Dat would jus tell him say him have yuh lock.

Next, don't tell yuh bunna man anyting. Ragashanti Bunning Rule Number 7 says: never let yuh bunna man or bunna woman get directly involved in solving problems between you and yuh straight up woman or man.

Remember. Leggo di vcitim ting. A bad gyal time now!! Finally, you could give some thought to stop giving bun. Just sayin'.

Reach Ragashanti at mixup raga@gmail.com or PO Box 5866, Liguanea PO, Kingston.