Puppa Jeezas!! Unu roll out wicked pon di Phone Mix Up fram Thursday. Mi nuh have much space fi mi column, so mek mi just get straight to some a unu responses. Of course, mi couldn't put all a di response dem, so nuh vex if yuh nuh see your own. An where unu see italics is where mi change some a unu outa orda words dem, lol. Mix-up response time now:

Yo Raga, me a yard man living in St Kitts. Bwoy we miss the thing pon radio still. But u done know me know the man from TVJ ManTalk days and trust me, me original, me love me yard thing. But to the phone mix up. Me get ketch same way but me polish it off decent. Da man deh nuh have nuh style, him slow bad. But me woulda confront me woman same time weh she did go same morning. Him left it too late. Man who nuh know fi roll must just stick to the wife alone and leave real gallis fi roll out. Big up to u Mr Stewart. Your ratings tall up. More life and a safe Christmas.

Big up yuh self bossy.

Him nuh fi tell her nothing. It simple, she lef a note that means she know bout it, and she still nuh seh nothing to him. Him fi just bill and easy him likkle self. A ova one year that, so him fi just chillax and easy. Look @ it this way, if she really go sort out pon him that day, she dida sort out pon him long time. Is just now him find out. And if she neva sort out pon him before that day, mi nuh think she did it that day. Him nuh have nothing a lose. Mi know man tek bun harda than women, but the man fi just bill, cause him dida sort out pon her. A man can have 15 women but one 'wifey'. It wouldn't matter if any one out of the 15 cheat on him but if the 'wifey' cheat he will lose it.

PS: Him shoulda go back @ the bunna gal yard and guh sort out cause at least him wouldn't feel so bad! Ha ha ha it sticky pon him still eno.

Raga a Don Vado (#DV) seh that.

DWL@15 bunna girl an one wifey.

Raga, first of all mi nuh think di wife did du nutten deh nite deh. A just di guilt pon fi him side mek im a dead. But if afta a year im stil nuh dead, im will survive any ansa im get from di wife. So mi feel im fi ask ar.

But probably him still alive now because him tink shi neva do nuttin, an probably woulda drap dead if shi CONFIRM say shi did dash out.

Raga, big up yuself. About the Phone Mix up. No decent wife would just go out to find a man to have a one nite sex. She don't need that. What she did was premeditated to hurt up har husband head. My best bet is that she was at a fren or family house.

Blessed.

A dat nuff people tink, mostly women, interestingly.

Uncle Raga, You nuh see the man dead already. Him wah fi tell her. Memba sah she go bring up wah she hear on the phone call from him and him nah guh wah ansa her at all cause him guh feel more like crap than how him feel now. So him fi bill a vibes an do him thing. Memba a nuh everybody bunning make fah. Raga, yuh can give bun.

Wait deh, a tell yuh a tell mi, or a ask yuh a ask mi?? I don't know how to give bun.

Just read your piece in the Star about the bunna man who called back his wife's number by mistake, thinking it was the bunna girl. Too easy to get out of that, if he is a yard man. Yes, he did make the call, but it was a mistake. He was calling the office from the parking lot, because he had left his key in there. He could have explained that. But now it has gone too far, because he has not asked her where she was that night. Now she thinking he was out, being unfaithful and that's why he has not said anything to her. She now has the upper hand. Did he not take heed of Shaggy's song It Wasn't Me? Man got caught on top the woman by his woman he denied it was him. Tell the man he is not a true yard man. And if him can't stand bun, don't gi bun. Nuff said.

But shi would have known if a woman or work colleague him did a talk to by how him did a talk wen him say 'open di door'.