This was the last clash before the semi-finals and bwooy mi cyaan wait fi see the semi-finals.

Mi spot Boom Boom and Ricky Trooper again this week and Beenie Man come back, but mi see Suku (from Ward 21), Natalie Storm, Serani and all Oral Tracey inna di crowd too. Hitz 92 FM and RJR people full up di place. Guinness ting gone a lead.

Suh we know Avatar from Black Blunt always a jump up and down cross the stage an ting, an nut'n neva change Saturday, him jump pon everything as soon as the set start. When dem leggo di Merciless dub a straight shellings ennu, an di man dem jus' start play. Afta dat dem play some old tune and mi woulda dumb if me nuh talk how much pot cover knock fi di tune dem. Den fi di first time since clash start, him drop Baby Cham Ghetto Story an mi cyaan even begin fi talk how the place mash up. Avatar all tek off him shoes and a stand up pon him workstation an a dance to di song dem. Him hype up di crowd bad. Black Blunt get forward fi every tune.

When Maestro jus come on him bring a scandal bag full a banana a seh Avatar a monkey, him get few chuckles and few boos fi dat still but den him start play a Richie Stevens dub and all boo directly turn into forward. Him reel off a bag a oldies and then lead into the dancehall and neva miss a beat, the crowd rail up fi every song him play. But when him start wid Settle Down by Mavado the whole place erupt an a girl all jump pon stage an gi him a likkle dance.

The first round was bare niceniss until it dun and we see Black Blunt dem a screw. When mi tek a stock, Maestro nuh go step up pon dem CD dem by accident and go lose the order him did have the CD inna. All a dis wouldn't happen if both selectors woulda just stay by dem station, suh Guinness mek a new rule seh the selectors cyaah pass the middle of the stage else dem a go disqualified. Bout time!

Maestro song dem inna di five fi five round did collec' some forward still, especially the old hits, the Buju and the General Degree. Black Blunt come wid some old hits too and have the crowd jus a rock, den dem leggo a Romain Virgo dub. Mi wonder if unnu know how di Romain Virgo dub bad. To how the crowd gwaan over the dub we nearly haffi pack up an call it a night, and when him end the round wid a Romain Virgo song mi did start mek funeral arrangements fi Maestro.

The freestyle champion, Mr Banging, lose him title to Anaconda this week. The man come in a full suit a yellow an' dun Mr Banging money.

You know which tune mash up the place still? The Guinness Sounds of Greatness theme song dub weh Black Blunt play, a weh dem get dem creativity from man? Maestro did deh pon a slippery slope from dem start ennu an dem couldn't tek back di ting and Black Blunt bury dem wid di last Merciless dub. Afterall, man neva come from all di way a Negril fi get throw off.

But tell me people:

A weh the horn man gone?

How come mi stop see Matterhorn a di clash?

A weh dem girl ya buy dem clothes from?

To ansa mi or for big ups link me at: guinnesschrisswag@gmail.com. Alright, me gone go grab a cold Guinness ya now!

The views expressed by Chris Swag are not necessarily the views of The Star, Guinness Sounds of Greatness or the sponsors of the show.