Raga, big up di helper up inna di hills a St Andrew who a tek both di man an di woman weh she work fa. Di woman sort har out inna di house wen di man nuh deh bout an wen him travel. And di man always carry har go hotel wen him a sort har out.

Raga, none a dem know seh shi a have sex wid di oda one. The husband don't do anything ina di house and di wife only do har ting in the house. Shi say a di husband first did move to har and at first she act like shi neva waan do nutting wid him. But afta him carry har out couple times an gi har some good money, she decide fi give him sort out.

Di wife now did a eyes har from long time. She go out a har way fi become good friend with mi friend. Till shi all start come in a di bathroom wen mi friend a bathe and a talk like a nutting. Den one day she did a talk to mi friend an give har liquor fi drink an a deh so shi mek har move pon mi friend. Mi friend neva do nutting with any woman before but she say it did feel good wen the wife do har ting. Now di wife a try teach mi friend how fi do back tings to har.

Raga, di two a dem a gi har plenty money. And mi friend say she a go continue a tek di money and save it and buy furniture and tings. Mi friend have har man but him don't know say di husband and di wife a sort out him woman. Mi friend tell him say dem rich and a because she work hard and dem like har mek dem always a give har so much extra money. Mi friend say she a go continue work with it until it done or she feel like fi lef the work. The husband want fly har out fi vacation. She a live life, Raga.

Yuh fren a real panya machete eeh? Shi jus a cut two-side suh. Mi haffi wonda if shi nuh tyad wid so much daggering a reach har. How shi manage wen di wife put on a wuk pon har, den di husban draw fi har an sen on fi him ting, den har man go shell dung a propa roun pon har too? It look like a she have di stamina nookie.

Pon a different level though, mi did tempted fi sorry fi yuh fren an say a di husban an di wife bruk har out, but di way how yuh explain it, it waan look like shi like what a gwaan. Shi a work wid it an a collect up di money. She obviously nuh mind prostituting harself. An mi sure di husban an di wife nuh feel say dem a do anyting wrong, based pon how dem boasy people usually think, which is dat once dem a gi dem money to people in need, dat mean dem free fi tek libaty wid dem. An di husban an di wife a go also say dat dem naa rape di helpa an dat di helpa also love wen dem a do di tings dem to har.

An look how har man doan even know say every time him woman come home, a 'what lef' him a get. Jah know star, nowadays yuh cyaan trus anybady. Trus nobody! Nobody!!!!

Bless up unu self.

mixupraga@gmail.com