Black Kat did haffi pick up the pieces because Sound Trooper mash dung di place. If you neva see it Saturday, catch the repeat cuz you a go tink a lie me a tell when mi seh the crowd barely respond to Black Kat. Afta him talk a whole heap a tings, and start some oldies mix and drop Greetings by Half Pint, mi did tink him woulda get more forward dan dat. Nuff time mi tink mi did hear the ambulance a come fi dem, but den dem draw fi some popular tune an save demself.

Collin Hines tell Sound Trooper seh a di first sound him see since the competition start that actually understand the concept of juggling. Don't follow everyting yu see pon "YouChube", Trooper a smart yute, yu dig?

Mr Banging, the champion freestyler from last week almost lose di title to the challenger Blue Steel. But Banging gi dem jus one knock an' win back the title. Blue Steel go three knock an knockout.

Speaking of knockout, Black Kat was NEARLY pronounced dead on the spot. But dem get the crowd fi start respond likkle more and few horn start blow an ting, Him drop a Tiger, a Bounty, den drop a DMX. When him drop di DMX people a look pon each other a wonder "a how dat drop een". And by time we tink dem dead now, dem draw fi a Laza Morgan dub and win back the crowd likkle.

Look like Ricky Trooper put down the Hennessy and start drink Guinness alone because a pure winnings him dash inna the remaining rounds. But the baddest tune weh play was the Mega Plough song Debbie's Cat and the second baddest was the Marcia Griffiths dub. Dem tune deh definitely bury Black Kat 'cause mi hear when Maddens roll een and pick dem up.

Put dat pun Youchube!!!

But:

How come mi see the Twins an neva see Madgie?

How come di pan chicken man neva a deliver this week?

Unnu did see the Guinness ladies?

A weh mek Trooper did have on suh much clothes?

To ansa mi or for big ups link me at: guinnesschrisswag@gmail.com. Alright, me gone go grab a cold Guinness ya now!

The views expressed by Chris Swag are not necessarily the views of The Star, Guinness Sounds of Greatness or the sponsors of the show.