RSS Feed
Follow us on Twitter
Star YouTube Channel
with Ragashanti
Tambareen Fambily an Mix Up an Blenda massive big up unu self. A straight blessings to all listeners pon Tambareen Radio ova Mix Up Yaad (mixupyaad.com).
A hope di whole a unu a prepare fi all a di drama an entertainment weh a guh fahwud inna di upcoming election. Di last election was undoubtedly di most entertaining eva, an mi jus feel seh da one ya a guh be even betta. Cause see it deh, di excitement staat aready! Portia an di PNP bust a new ting fi attract votes, di Jamaica Emergency Employment Programme (JEEP). Two twos di JLP a dash wud say JEEP really mean Just Empty Election Promises. Dat did mek mi staat laugh, but wa mek mi wussara buss big laugh a wen di JLP's Bobby Montaque fahwud an say di PNP naa gwaan wid nuttin wid dem ole JEEP, cause di JLP a pree di Programme for Reform, Advancement, Development and Order: PRADO! Den him dash out more wud a say di JLP also a medz di Agenda for Unity, Development and Integrity: AUDI! Den him throw more kerosene ile inna di fire wid anneda so-called JLP programme, di Reform Agenda for National Growth and Employment: RANGE! Puppa Jeezas!! Mi loike eeeeet!!! Suh Bobby a dash dutty wata seh di JLP a rinse hypa vehicle dan di PNP. A dem ya sinting ya mi love!! Straight entertainment an nuff vibz. A suh di ting fi set. Yes, wi haffi talk bout di serious election issues, but wi can also inject some sense of humour inna di ting. People waan laugh! A hope dem keep it up, an a hope di PNP wappy back wid supm jiggy.
Awright, pree da likkle mix up ya:
Raga, me have to give u this one. Big up to my man and him granny (him bunner gyal). The bwoy tell me say him workplace send him a country fi a week on some business. Me deh a me yard and a duppy just a nag me fi go over there. Raga, u see wen me go over there me, see him fren them so me a say to myself how him gone a country and them deh a him yard? So me go inna the house and one a him fren deh behind me a watch me. Me swear me a celebrity wid me own bodyguard. Raga, wen me go inna the room me see suitcase and bag well inna closet and me nuh see my things them. Me say Raga me blood start boil. Me take off the sheet and wet up the bed with water, spritz and lotion and spread it back neat. Next me full the pillowcase them and pillow a pure lotion. Me say Raga me open the draw them and throw water inna them, then me open her suitcase and full that a water too, me wet up all sheet and clothes inna the closet. All weh me did done iron me pop down and wet up. Then me throw oil and water pon the floor and lock the door and cut. Raga, the bodyguard go in and drop pon him ass. Mi naa lie, yuh deal wid him wicked. Mek yuh haffi do him tingz dem suh? An tell mi supm, yuh neva get none a di money weh di ole woman tek an a mind him? Link mi back an mek mi know way uh man did do wen him did fahwud.
