Big up di popular politician in a the west who nuh stop gi mi likkle sista money an a swipe har. Raga, sometime mi sista come home an a walk funny. But wen mi tease har an a say how the politician do har bad with the daggering, she always a say a nuh daggering mek she a walk funny, a swiping. Raga, mi still cannot undastan how swiping fi mek woman walk funny.

Well, mi a medz yuh question an mi woulda put it this way: carefully watch di different ways in which people eat dem food an yuh wi able fi ansa yuh question. Some people eat dainty, dem gently bite small pieces an tek dem time patiently chew dem food. Oda people naw-naw an chamba-chamba dem food. Dem tear weh dem food like wen mawga dawg hungry an a bruk weh pon piece a meat. Dem deal wid dem food wicked. It look like di politician nyam like a hungry mawga dawg.

Di next ting is him coulda a overcompensate fi oda shortcomings. Fram wa yuh write, it look like him naw really dagga yuh sista. It look like him have some problem wid di instrument. It look like true him cyaan 'waist up' to di matta, him a 'face up' to di matta. True him naa gwaan wid nuttin fi di daggering him coulda a OD pon di swiping.

But really wi shouldn't be surprised wid da mix-up ya enuh. Rememba, one a di basic requirements to be a successful politician is to be good wid yuh mout.

Argument done!