Rising: Dah week yah was the best week so far. The performance at the end and the fashions did tun up!

Star:Yes it was, and improvements were there. Still not the best season yet but best performance night. Who yuh did like best Rising?

Rising: Delando and Dominic! Dominic have a likkle ting ah gwaan. Him jus ah mek di girl dem swoon ova him. Loved his song choices but me still think him want a different look fi get that ladies man image deh, but him ah try ah ting doh. Me rate dat. Delando now, you know me used to think dat him shuda go home but him proving me wrong. Him tun up di MJ dis week. Great song selection cuz it fit him voice and it play up him young look. Smart yah mi bwoy. Gwaan rock it and dis week it never look like him deh pon di playground; outfit did nice.

Star: Yeah dem two deh was an obvious improvement. Delando hit di Michael Jackson notes dem and him try the flirting and dancing ting. Dominic's voice wasn't the strongest but him try a ting, him swag tun up and he tried to be sexy. Mi nuh know why everybody a mad ova Tash though, to me she nuh all dat at all. She have a hype but dats all it is, hype - not substance.

Rising: Now on to the matter of Tash. Me really rate her vocal ability or should I say did because me lose offa har. Did you hear how she massacre dat Rihanna song? If she continue singing like dat she goin kill off everybody pon di Earth and then she goin be the only girl in the world. Last week tek the cake though. It was a double disaster for her. She sound bad and she look worse. What was up with that wedding/curtain get up? Clearly she thinking high fashion but she over reach in har thinking. She continues to MISS!! Tash, don't buy in di hype, please tek some time out and do yuh research and please talk up if yuh doh like yuh outfit enuh, that is if it's the stylist dressing yuh.

Star: Yuh nuh see how she sey is 10 grand and more fi di dress. A so she tell Pepita, a mus high fashion. How yuh fi diss up di 10 grand expensive dress Rising?

Rising: Star doh mek me 'lock it dung', 10 gran? high fashion? But then again 10 gran fi a high fashion dress is likkle over US$100. Dat cheap cheap bad. Again before she talk, likkle research needed. Trust me Tash. It's fi yuh own good.

Star:Anyway, before yuh mek Tash fan dem bomb up STAR ova dem comment yah, Latty J now, she tun up di night! To me she was di best. She come back wid a vengeance! I hope she reach far inna di competition yah now cause she have vocal talent. Anna, mi like her to, di soca song was a different choice. Sunday coming yah now she need fi really put on the fire and hit dem notes.

Star: Dis Conroy fellow, mi like him. Him have a Anthony vibe, looks like dem realise how much dem miss Anthony and bring on Conroy twice. If only Anthony would guest host one day tho, now dat woulda nice!

Rising:Latty J did gwaan fi true. She surprise me dis week man. She hold har own. Me did kinda like har look to. She have sumting ah gwaan fi har, jus gwaan tun it up likkle by likkle Latty J. Anna, step outta di box wit the soca song fi true, it never have as much energy that is needed in a soca performance but she get points for being different. Me like it!!!

Star:We done yah now! But congrats to di Rising Stars people dem, unnu tun up Sunday gone. Make it a trend!