Blessings an respek to all a mi Tambareen Fambily an all a mi Mix Up linly-linky. An big up to di Tambareen Radio massive ova mixupyaad.com. Di ting kick off an a bare shellings aready. Maawwd!! Mix Up time ya now:

Di Pap Dung Sort Out

Good evening Raga. Re: the girl who gave the "pap dung" sort out for the computer and then want to give another for a BlackBerry. Tell her that her CPU want to upgrade!

Fi real doan? Some a dem nuh know seh dem haffi tek cyere a dem computa. Dem nuh know seh more while dem fi wipe dem hard drive. An dem cyaan jus a fling any an any disc inna dem slot, cause some a dem disc ya nowadays full a all kind a virus.

Miss Goat Tekki Back

Raga big up di girl weh tek back har goat fram har man cause she ketch him a talk to a woman late a night inna bush.

But if di man neva did a duh di tings dem wid di woman weh shi a vex fa? Mi know seh it suspicious fi a man a talk to woman late a night inna bush. But if wi nuh like tekki back man den wi nuh fi like tekki back woman needa. Shi neva did haffi tek it so far an guh tek back di goat.

Man nuh eat fram har

Raga mi an dis man start talk bout two months now. Mi love him an him say him love me. We spend plenty time together an go to a lot of places. He's very nice and treats me really good. And, as you say, the sort out is very good. The thing is that he has never ate from me. I have offered him food many times and him don't take it. I will cook and he will let me eat and always give a excuse why he doesn't want to eat.

Mi nuh quite sure wa really a gwaan ya suh. But mi a guh keep it simple an straight: yuh cannot deh wid a man who will neva eat nuttin weh yuh cook! Dat jus nuh mek it. Mi nuh know why him a sort yuh out, say him love yuh, but naa eat any a yuh cooking.

Because a cyaan nasty yuh nasty, cause which sensible man wouldn't eat fram a woman cause shi nasty but woulda sort har out? Jus gwaan par wid him if yuh feel like, but neva deh wid a man who would neva eat anything yuh cook.