What a gwaan people? Mi hope everybody alright an' a mek di best a dem situation. By di way, oonu need fi roll out a di Capleton show wid Romain and Munga pon di 21 a Club Impulse. Same way like how we honour Freddie and Lady Saw, ah dat we go do fi di Fiyah Man. So roll out. Ladies oonu free, di man dem a $400. Link mi pon hotgalcherry@hotmail.com OR www.twitter.com/STAR_SUSS OR www.facebook.com/starsuss.

GIVE US A BREAK MILLI VANILLI

A me one tiyad a Kartel? Yuh cyaan juss step back and nuh search and desperate fi find one way fi inna di media? Now a weave yuh a wear. Yuh a 20 % artiste and 80 % gimmick.You are a joke.

WAYNE, DUDE IT'S BEEN DONE BEFORE

Wayne, yuh radio mash up? It nuh pick up signal weh yuh live or summen? Di new song wah yuh release wah name Good Ole Wife yuh never hear one song wah release wah day yah wid di same pun and play pon words and same concept and message? Yuh neva hear, cause di ress a di nation hear it. It name Good Ole Days wah Chino sing.

Di odda day mi see yuh pon Twitter a say how Sasco inspire yuh fi go hard again. First of all, if this a your 'go hard'... stop. Don't go hard. Secondly, yuh need fi see a next man inspired fi feel inspired bout fi yuh profession? I neva see or hear dis inna all my life. But yuh know wah, it show inna yuh career, cause yuh nuh constant. Yuh come wid "my heart movement" last year and all when di heart beat out an DEAD like Miss Mattie 1-foot goat wah finally give up di ghost, yuh still a try clobber back di poor heart to life. Hear wah, you an' Kartel mek a deal. You give him hair and dreadlocking tips and him write some song fi yuh. There. I have saved your career. Now go forth.

CAN WE PAUSE WITH THE SUICIDES

A wah really a gwaan? As soon as people start have likkle problem now dem a murder people roun dem plus commit suicide. It come een like is a fun ting. If yuh have a bad day yuh jump offa bridge now instead ah move on? If you an yuh woman lef, yuh start murder she, di family, dung to di mawga dawg ina di yard instead a go road go look one next smaddy? People. Get a grip. If unno feel like unoo world a crumble, pick up di phone and talk to smaddy, or google di keywords "Africa" and "poverty" and suddenly fi unoo problem dem nuh look so complex again. Just find smaddy talk to man. For the love of God.

NEW RISING STARS CREW

What a ting eeh? Dem do a clean sweep a Rising Stars like when plague pass tru one land. Mi nuh mind Bambino or Tessanne, but it nuh seem too 'normal' now? Or a just me? To me Bambino wudda replace the 'wanna be humorous' Clyde personality and Tessanne wudda be Nadine. So who go crucify and slaughter di people dem wid words like Anthony? Di guest judge dem who go waah say nice, polite tings? Mi like Terri-Karelle as the host though. Dat was a good move.