A straight blessings to mi good up-good up Tambareen peeps an all a Mix Up an Blenda linky-linky. Di dutty people dem a fight gainst wi mix up ting, but wi naa look pon dem. Afta wi an john crow a nuh combolo. Lol

Anywayz, mi have a one shell dung mix up ya pon di pregnancy topic:

Hey Raga. Greetings and nuff love from your favourite listener in Rhode Island. Mi waan big up mi educated-dunce frien who bright nuh watsitnot, but mek man tun har inna eediat. Raga, this ah di breeding mixup ah di year! Di gal get scholarship fi come a foreign come study and di summa before she lef she mek har eediat boyfriend (now ex-boyfriend) convince her fi breed fi him. He told her that he had always wanted to be a father and if she lef and nuh gi him ah yout, an him oil start ride him, him might slip and get another girl pregnant, but ah she him waan carry him yout. Him seh if she breed him mother woulda help him wid the baby and him woulda support it, and of course, she would have a happy family to come home to every holiday. Lol. She tell him she wasn't ready and he gave her an ultimatum dat if a foreign yuh waan go meet white man and breed fi him, den mek wi end it right here. Instead ah dash wey di eediat boy right there she agreed with him. Well, she also made a stealthy trip to her doctor and got a large prescription on birth-control pills. Before she left the summer she told him a lie that she was pregnant, secure in the knowledge that she woulda hold her man for at least another couple months.

Mi seh Raga, ah bare long Skype conversations dem dey pon for months wid har a hold the headset to her belly so that daddy could kiss his "baby" that wasn't there. An mi hear seh di boy a go roun di whole place ah boast bout how him browning deh a foreign and pregnant wid him yout. That is, until him meet another girl (or maybe it was girls?) wid a better sort out, and it hit him that he did not want to settle down and was too young to be a father, especially when this girl was so far away.

Finally, di yout call mi fren and tell har seh him nuh ready fi a long term relationship but him mother woulda still care fi di yout and from that day she should only call his mother regarding the baby. Raga, di gal get vex! She scull class bout a week straight and jus a jam inna har pyjamas and bawl, den the wickedness that is in every woman tek over. She call di boy mother and told her that because of her son's irresponsible behavior she would be terminating the pregnancy ASAP. Di bwoy Christian mother bawl and plead fi har no do dat wickedness and say she would call her son and straighten things out.

But hell hath no fury like a woman scorned, mi fren still went ahead and dash wey di so-called "belly", and called the poor distraught grandmother to let her know. What a confusing time it was for us, Raga, and what a strain this put on the fabric of reality. Can you imagine? To see a child that was never conceived develop a strong bond with the father who never was, only to suffer death by late-term abortion at the hands of an invented unscrupulous doctor? And now di poor 'neva was a granny' is suffering from heart hache. Just goes to show that stupid knows no bounds.

What a helleva mix up yuh fling pon mi inna di day ya! Nooooo sah! Guh see how him did happy a tell him so-called pickney good night wen shi did a put di phone pon har belly, weh really neva have nuh baby. An look deh, even though she did a deceive him bout di baby, shi still get vex wen him say him a done di relationship but still a guh own di baby wid him mada. Shi an him cold alike! A jus di muma mi sorry fa, cause shi a guh git up everyday depressed, in pain, and hurt ova di abortion of a grand-pickney weh neva exist. It nuh fair to di muma! it nuh fair.

Reach Ragashanti at mixupraga@gmail.com or PO Box 5866, Lihuanea PO, Kingston 6.