A straight blessings to mi Tambareen Nation an mi Mix-up an Blenda Fambily. Straight to two mix up.

Police Drama

Raga, da mix up ya a bout one top a top policeman & him wife. Sum drama a pop off inna di relationship & di dutty policeman start cuss bout how him want har fi move outta di house. So him go out one day go visit him modda a country. Meanwhile, him wife jus' decide fi teach him a lesson. She get somebody fi cum move har out! All him fren dem cum help her lift out her tings dem.

She move out the couch, the mattrass weh belong to her, di stove, di washing machine, di fridge & some glassware. Raga, di only ting she neva tek a di tank weh she buy put pon di house top. But mi tink she shudda jus slash it up & wata di earth, cuz a bare tings di dutty policeman did a gwaan wid wa nuh right.

Raga, a two pot did a cook inna di house but di stove a fi di wife so she jus lift off missa man pot & put it dung. Raga, him hav pot wid food but mi don't even know if she leff him wid fork fi eat wid. Raga, di man hunt fi fun & dem buy nuff tings a supermarket so di fridge ever stock. Di fridge did a fi har so she jus liff out di fridge full a meat! When him cum back him shock.

Raga, a him Chris Brown did a sing bout cuz him did a see wall-to-wall!!. But guess weh him do, Raga?! Him call him wife & say him neva kno she wudda move out but him wudda like if him can get back di deer meat weh inna di freeza cuz him did promise summaddy it. Raga, mi nuh tink him did promise nobody, him did jus vex seh she ago nyam up all a di big meat dem! Big up yuhself Raga.

Di top cop really neva know how di woman serious. Mi cyaan believe she shi jus tek off di man pot weh a cook di food an jus cut wid di stove suh. Shi serious nuh backscova! There's a lesson to be gleaned from this: if yuh a guh puddung yuh foot pon people an a do di tings dem - mek sure yuh have yuh own tings! Awoh!

Man fi get Con

Saturday night, Raga, in New Kingston a man did a cuss and a seh him rather a man nyam him out than a woman, becuz woman is very dangerous lol. I am a woman suh mi know weh him a talk bout. Raga, when me a nyam out man I dont play becuz rent wah pay, hand and foot wah duh, hair wah duh and clothes needed.

All when mi have them in a bungle, suh I know wat he is talking abou. Man fi get con cuz them a guh a go-go club a Ripon Road or Back Road with the money and when Sunday come them or them wife and them pickney a dead fi hungry.

Mi nuh care weh da bredda deh a say, while mi nuh waan nuh woman con mi an nyam out mi money, mi woulda rather a woman nyam out mi likkle much dan a man. Mi really nuh know a weh him deh pon.

Why a man woulda prefer a nex man fi con out him money and not a woman? Any man a roll suh mus did suffa wicked-wicked unda a woman, or him a ... yuh know wa, mek a shut mi damn mout before mi get mi self inna trouble. A gawn.

Reach Ragashanti at mixupraga@gmail.com or PO Box 5866, Liguanea PO, Kingston 6.