Tambareen Fambily an Mix-up an Blenda massive large up unu self. Big up Hot Gyal Cherry weh a done di place wid prapa-prapa mix ups right ya so inna di STAR pon Fridays. Unu fi check dat out.

Anywayz, do remeba say nex week Saturday, Chrismus, is all about di propa propa, outrageous comedy show Mix up an Blenda! at di National Arena. Unu jus come laugh till unu belly bottom cramp out. Showtime 7 p.m. Mix up time ya now.

Dutty Daggering Pastor

Ragga this is a marriage mix up n this about me. I dont know if u remember me the Pastor's wife. My husband is a pastor from west Kingston. Ragga my son is seven n me married before my son born even though me n my husband break up a while now. But Ragga when my husband was going to married to me I never know say a so much people him did already proposed to. Any way Ragga after we married, one woman wey did a sell a West Street get stone mad. She keep a tell one woman say she can't believe him married after him tell her say him ago married to her.

But Raga as if that was not enough, one woman over Sydam or watever the place name, wey work a bank, buy ring, dress, and give out invitation fi wedding, Raga, when she hear sey we married me hear sey she sey me obeah strong and she have to find tha obeah man deh any wey him deh fi mash up the wedding.

Da pastor a one real daggering pastor. Mi can jus imagine di level a hypocrisy him a rinse wen him deh pon di pulpit a preach an a condemn people, knowing full well dat as church service done him a go sawka-sawka something! Mad! But weh mi a say even if him a guh go roun an sort out di matey dem, weh him a engage di whole a dem fa? Dat mus a mash up dem head. Cause di whole a dem mus did a tink seh a serious him serious bout commitment why him a go married dem, only fi find out seh him already married an still engage to more women. A him say spread yuh blessings! A dutty pastor dat. Massa God gwine bax him dung! Watch an see.

Sista Swipe weh Groom

Hi Raga, I started listening to your show Ragashanti Live! from last week and it's great to finally hear you on the Net. Raga I have been engaged for the past two years to this great, wonderful, loving, intelligent human being. Anyhow Raga would you believe that after six years (engaged for two) I caught the dutty bwoy, who already know him nuh trustworthy, and mi dutty nasty sister?

Mi sister know a mi man and come from Jamaica and swipe him way. Raga wen mi ketch them all him could say was "baby it's not wat it seem". Raga mi left him. Mi put out mi sis, and sorry to say, but I am presently hurting so bad Raga that I am sleeping with a married. Sorry for the mixture of English, I get real angry wen I talk about it. Need help, Backslider.

Kiss out mi wats it not!!! Nooo sah!! Yuh really a tell mi seh yuh have yuh good-good man fi six years, an outa dat deh six unu engage fi two, plan unu prapa-prapa boonoonoonoos wedding, bring up di relatives fi di occasion ONLY FI GUH KETCH YUH SISTA A BLOW HIM SKIN FLUTE!!! Wat a wicked gyal!!

But pon a different level though, mi nuh tink yuh a deal wid it inna a way that is really you. Cause look deh, yuh gawn tek married man. It's not the same situation, cause di wife a nuh yuh sista, but it look like yuh a do back to anoda woman wa yuh sista do to you. Dat mek yuh happy? A da life deh yuh waan live? A di matey ting yuh waan pree ya now? You're in pain, yeah, but perhaps you should strive to NOT let your pain push you to lower yuh standards to a point where you're permanently unhappy due to fear. Bless up.

Reach Ragashanti at mixupraga@gmail.com or PO Box 5866, Liguanea PO, Kingston 6.