What a gwaan people? Deh week yah full a di hottest suss though. Lawd help we! We a get inna it right away. Suss time! Link me pon hotgalcherry@hotmail.com or follow me www.twitter.com/hotgalcherry.

NIPPLEGATE SCANDAL

People! What a way destruction drop dung pon Mr. Corporate-Who-Bash-Every-Previous-Employer him ever have pon, TV interview, radio, business speech and YouTube video.

What a waaaay fi come pon youtube did really inna fi him destiny though. No sah! When the video start go roun' pon YouTube wid di yute a rub him dung and squeeze him nips an' all dese tings mi nuh know how me nevah swallow mi tongue from shock.

PART TWO OF NIPPLEGATE

People fi clarity, we ago call di yute who did a squeeze up di nips Mr. Fraud cause him go jail fi fraud already. Alright, here we go again. Inna di next 23 minute video, everybody business from uptown dem chat. Dem chat di club wha did a tief light and di previous ownah. Magazine ownah, politician, politician son who dem say gay. Mi say a pure tings!

Now Mr. Corporate a say him nevah know Mr. Fraud when deh record him (obviously), but Mr. Fraud, aka di SAME one who did deh wid di former male reality show singer and buss fi him tape too, say him did sense it say Mr. Corporate when go betray him so him record it and keep it juss in case.

HIM DWEET AGAIN

Liquid talk di truth. How yuh fi mek di same mistake again so soon afta yuh get back yuh wuk an' play song wid badwud? A who yuh tink ah go beg fi yuh pon Facebook page again? No sah. Mi cyaan believe. But so it go when people comfortable.

If ZIP fire yuh deh time yah, dem try no bodda put een Rush, dats all me know! Cause deh segment deh wudda haffi name Apocalypse - Run For Your Lives. OH!

Massive, latah.