Artiste: Chino

Intro.

From me a likkle yute, one ting me madda tell me,

She say don't tek up weh yuh cyaa manage she say nuttn heavy,

So me listen weh me madda said and me listen clearly,

Me never go round me madda teaching cause she never fail me.

She say,

Chorus:

Nuh put nuh woman pon yuh head (x3)

She say nuh put nuh woman pon yuh head nuh put nuh woman pon yuh head,

Nuh put nuh woman pon yuh head,

Nuh put nuh woman pon yuh head

Verse 1

Now likke yute, tek een yuh education,

And yuh no fi make no woman stray yuh meditation,

Yield not to many temptation - nuh follow everything weh yuh see pon di television.

Me know dah topic yah - is a delicate one,

But me can't make di yutes mash up dem reputation,

Never say dat yuh fi be a celibate man,

But some woman have some ting weh mash up many great man.

Fi live all di days of yuh life pon medication a nuh nuttn fi yuh celebrate pon,

Nuh bow to the system fi any name brand - do the right and nuh penetrate wrong.

Rept chorus

Verse 2

Watch yah now...

Nuh mek nuh gyal rest pon yuh mind,

Nuh put nuh bag a problem or stress pon yuh mind,

No bodda run down nuh bag a loose gyal just wait till yuh find a empress weh divine.

Nuh put di ting under dress pon yuh mind, positivity yuh should be investing yuh time.

Go to school wear the crest wit di sign,

Play a sport never know yuh could be next in the line.

Me know a yute weh make gyal draw him out, shoot him, now him get catch with di nine.

Work hard fi achieve cause a destiny time like Chino weh blessed with di rhyme.

Rept chorus

Breakdown:

Yute, keep yuh head up high,

Likkle yute keep yuh head up high.

Yute keep yuh head up high,

I know yuh don't really wanna end up die

Hey, keep yuh head up high,

Likkle yute keep yuh head up high,

Yute, keep yuh head up high I know yuh don't really wanna end up die.

Well yuh done know, Chino a send a message to di yutes, hold yuh focus, stay grounded, Chino!

Rept Chorus