DeMarco - Contributed

In this weekly Mus' Buss Caan Buss song review feature, three musical minds will analyse each song and will grade it on vocal ability, lyrics, musical arrangement and appeal. Songs that make the grade will be dubbed 'Mus' Buss', while songs that flop will be dumped in the 'Caan Buss' bin.

The three reviewers welcome feedback from the artistes and the public about the column. Send your comments to bussdem@hotmail.com or mail in your songs to 'Mus' Buss' at the Gleaner Company, 7 North Street, Kingston. This week the muss buss/caan buss team will be reviewing Life As A Juvenile by DeMarco (Head Concussion Music).

Witch: "Well, is a quite a while since mi hear from DeMarco and him come back conscious, the song have a likkle vibe. The beat mad."

King Kong: "Mi nuh really comfortable wid di chorus but I guess is reality for some. Him a seh yuh haffi pop it off, point it and squeeze it until yuh secure di job a so di ting set."

Lady Boo: "Kinda refreshing to hear something from him and something weh sound different as well. Mi like di riddim, it nuh too much, it fit perfectly wid di song."

King Kong: "Di song fit di likkle melancholy feel of di beat. Russian a go on."

Witch: "Yeah at least songs like dis can play pon radio, it clean and all. Di message is one from di streets, but it still saying that dem mus have faith and try live a good life but until den dem have dem own reality to live wid. DeMarco don't sound as auto-tunish as most times as well, we finally a hear his voice."

Lady Boo: "Him nuh sound too auto-tunish but mi nuh like how him drag on di words in di chorus."

King Kong: "Mi like di synth in di beat. It simple and nice. Its one of dem meds song dem, nice juggling tune."

Witch: "Yeah something di yutes can really connect to and relate to, it can play in di streets, at parties and on air- an all rounder. Di chorus/hook catchy enough."

Lady Boo: "Yeah it will play at places fi real, especially now when wi nah go hear any more daggerin songs."

King Kong: "It buss."

Lady Boo: "It buss, it buss."

Witch: "Yup it buss, it can go on wid a ting, the production nuh bad at all."